Paslatá sanlaha ma gwaɗa
Adamu
Tsaya mndu. Tsaya taŋtaŋa mndu zlagigiŋ Lazglafta.
Akwata dzratá wi
Tsaya akwati magaf lu nda fiɗatá udzu, ka pghamtá lu ta klamha his nda vindatá zlaha Musa tida ya.
Albastra
Sana pala ya ghəlwən ghəlwəna ta huhrapta lu ŋa pgha urdi.
Alkama
Manda nzakwa maruri ya nzakwa ni.
Amin
Mantsa ya ka nzakwa ni.
Anabi
Tsatsi mnda klaktá lwa Lazglafta. Mamu anaba tsakalawi guli ta klaktá lwa halaway.
Awa
Tsaya luwa ka fitik a tsi ta zata mndu ta maga skwi.
Baŋki
Tsaya vli ta kəl guyata ghəŋa mnduha ka tska tseda taŋ.
Dalmanuta
Sana vli ya kul snaŋtá lu ta vla ni.
Dekapwalus
Tsaya luwaha ghwaŋ.
Duhwalha Lazglafta
Gwal ya ta ghwanə Lazglafta ŋa kla lwa ni həŋ.
Dzratá wi
Nda nza ka dzratá wi ya dzraf Lazglafta mataba ni nda inda mnda səla.
Farisa
Hahəŋ gwal ta ksa tva zlahu manda va ya nda vinda, ta taghay sanlaha mataba taŋ ŋa mnduha, sanlaha mataba taŋ guli ta vinday həŋ ta tsa zlahuha ya ka mbəghay ŋa hbay ta vgha.
Fkərwa
Tsaya marakw ka zgun a tsi ta fefekwaku mabli.
Gadaraniya
Sana luwa ya kul haɗ la Yahuda mida ta magay ta meli gwaŋ nda ma Nura Gadaraniya, ka Galili a tsi.
Glaku
Ŋa mndu ya ta malaghuta, ta mbruta ta mna lu ta tsa gwaɗa ya. Ka ta mnay lu ta glakwa Lazglafta kəʼa ná, tsaya maraŋta ni ta ghəŋa ni ma mbrakwa ni.
Glata mndu
Nda nza ka zəʼala həga, ka ka mali mataba mndəra mndu a tsi. Ma lfiɗa defteri ná, hkən gamndər dagatani.
1- La glata mndu mataba la Yahuda.
2- Gwal ta ŋanata Igliz.
3- Tsa la galata mndu hisambsak fwaɗ mida ya, hahəŋ gwal ta nzaku ta vata Lazglafta ta luwa. Ngha ta Suna Yuhwana.
Grek
Gwal kul nzakway ka la Yahuda həŋ. Va a la Yahuda ta həŋ wu, ama nda guna ghəŋa taŋ.
Gudzuvruŋ
Ma lfiɗa defteri ná, nda nza tsa vli ya ka latá vli ta kəl lu ka tsamtá duhwalha halaway ŋa ɗasuɗasu.
Gwal Ghunay
Nda nza həŋ ka duhwalha Yesu Kristi ghwaŋpəɗ his. Nda nza Pwal nda sanlaha ma mnduha ka gwal ghunay guli.
Gwir
Nda pala dzihwadafta lu ŋa dra skwi ŋa Lazglafta tida.
Igliz
Tsaya guyata ghəŋa gwal zlghay nda ŋuɗuf.
Inabi
Sana fu ya ta mbaɗa manda ghuku, ama nduhtsuk nduhtsuk kəʼa ta yaku. Ta ɗitsay lu ta yakwa ni ŋa say.
Kayifa
Tsatsi mali ta ghəŋa gwal dra skwi ŋa Lazglafta. Tsatsi ta ɗawa gwaɗa da Yesu ma fitika ksafta.
Kerubaha
Hga sanlaha ma duhwalha Lazglafta ta luwa həŋ.
Kristi
Nda nza tsa mndu ya ka mndu ya pghanaghata lu ta rɗi ŋa mnay kazlay: Lazglafta ta zbapta kəʼa. Mantsa ya si ta maga lu ŋa mghamha la Israʼila nda la mali ta ghəŋa gwal dra skwi ŋa Lazglafta. Ka sagha tsa Kristi ya ka Mghama mba mndu ya ta kzlə mnduha la Israʼila. Tsaya Mgham tfanagha lu ta wi.
Kwambalu dagala
Tsaya skwi tsaf Nuhu ta nzulagaptá həŋ ma fitika zaɗanata Lazglafta ta mnduha ta ghəŋa haɗik nda ima mabuɗbuɗ.
Levi
Hahəŋ gwal ta ksa slna ma həga Lazglafta da la Israʼila.
Lfiɗa Gwaɗa
Tsaya gwaɗa ta ghəŋa Yesu Kristi.
Maləm
Tsaya mndu ta klaftá mndu ta səla ni ka tagha skwi ŋa ni. Laviŋ lava ta nzakway ka mndu ta tagha skwi ŋa mndu guli.
Mana
Tsaya skwa zay vlaŋ Lazglafta ta la Israʼila ma mtak ta sab həŋ ma luwa Masar ŋa zay taŋ.
Manzakɗaway
Tskata ghwanzakaɗata skwiha ŋa ŋəriŋta həga Lazglafta.
Maranata
Ka nza tsi nda ksiʼa na tsaya nda gwaɗa Grek.
Misel
Tsaya hga sana duhwala Lazglafta ta luwa.
Mnda zluʼa ghwa
Tsaya mnda dra ŋuɗuf ŋa zaktá ghwa, nda ya ŋa zluʼaptá ghəŋa ni ma dzva mndu.
Mndəra luwa
Tsaya tva safa fitik.
Mur
Hga sana urdi ta bluta ta magagapta lu ma sana fu ya. Ta magay lu ta vli ta kuzlaku ŋa hta kuzlakwa ni. Tsaya ta pghə la Israʼila ta mbli makəɗ lu ka dzaʼa paɗay. (Mark 5:23)
Nur
Tsaya təv nda ga zeghwa safa fitik.
Nda ghuɓa
Lazglafta, nda Yesu Kristi, nda Sulkum yeya nda ghuɓa. Ta mnay lu ta mndu, ka ta huzla a tsi ya ta nghanatá Lazglafta
Nzemndi
Tsaya luwa manda ya ta magata mndu ta maga. Nda tsi ta snaŋta lu ta dagatá fitik ma vaghu.
Pak
Tsaya skala Tsughwaɗaghutá la Israʼila ma nzakwa taŋ ma Masar, ta zə lu ta buradi kul haɗ is mida ŋa hava saghwa taŋ ma haɗika Masar.
Patmus
Sana haɗik ya ta tsavata ma drəf.
Pentekwat
Tsaya fitika skalu dagala ma fitika tska skwi ta vwah da la Yahuda. Ma tsa fitik ya saha Sulkum ta ghəŋ duhwalha Yesu ta mahutaf mbsaka fitik tahula Pak. (Ngha ta Zlahu 23:16)
Pilatus
Tsatsi ŋumna ta haɗika la Yahuda ma fitika dzata Yesu.
Piyer
Manda mnay kazlay: Pala kəʼa ya.
Pla ghəŋ
Ma pla ghəŋ ta plə la Israʼila tazlay ná, ta driŋta nda dra həŋ ta skwi nda səla ŋa Lazglafta.
Sabbat
Mandəfáŋa fitik ma luma da la Yahuda ya, tsaya luma gwasi da amu. Nda fa tsa fitik ya ŋa Lazglafta, haɗ ksa slna baɗu tsa da la Yahuda wa.
Sadukiya
Nda nza həŋ ka sanlaha mataba la Yuhuda ta ksa ŋa taŋ dina tskəm nda ŋa la Farisa. Haɗ sliʼagapta ma mtaku wu, ka hahəŋ ta mnay.
Sezare Filip
Sana luwa ya ta wa ghwa Yardeŋ. Filip Hiridus ta thaftá tsa luwa. Gadaraniya ta hga lu gitana.
Siyuna
Tsaya hga si sana vli ya ta kuɗuŋur ma vla maga duʼa la Yahuda ŋa Lazglafta. Tsa Siyuna ya ta hgə lu ka vli ya baf lu ta həga Lazglafta, ka nuta tsi ka Urusalima demdem gita.
Skala dumbi
Tsaya skala tska skwi ta vwah da la Yahuda.
Skwi nda ɗifa
Nda nza ka payatá skwi ya payaf Lazglafta ŋa mba mnduha. Makəɗ Yesu ka saha ná, si nda ɗifa, ka sagha Yesu da marigiŋta. (Ngha ta Afi. 3:3)
Staluwa
Tsaya tva dəɗakwa fitik
Sud
Tsaya təvu nda ga zlaɓa safa fitik.
Səduma nda Gwamura
Tsa luwaha ya driŋ Lazglafta nda vu ghalya ta fitika i Abraham nda Ludu.
Suma
Zlanatá za skwi nda sa skwi ka vaghay ya.
Tukwiŋtá rgitik ta səla
Manda mnay kazlay: wya dzva ɗa wya dzva ɗa ta ghəŋa ghuni ka dmakwa ghuni kəʼa ya.
Tsəlɓu
Tsaya zləmbata ta kəma Lazglafta ka tsəlɓu ŋa ni.
Udza zləŋay
Nda nza tsa udzu ya magaf lu kzlaŋlauʼ nzakwa ni. Tida zləŋafta lu ta Yesu.
Urim nda Tummim Tsaha ya palaha his ta pghamta lu ma zliba ghuva mnda dra skwi ŋa Lazglafta ŋa tsatsa ndana Lazglafta
Yahuda
Tsaya hgu tsanaf lu ta la Israʼila ma vakuha nda ndəghata luta ma kɗaku Yesu ka saha.
Yesu
Tsaya manda mnay: Lazglafta ta mba mndu kəʼa ya.
Zaka
Tsaya skwi turtuk ma ghwaŋ ma inda skwi ta mutsafta mndu, ta vlaŋta lu ta Yawe.
Zaytuŋ
Sana fu ya ta hvə lu ta wa drəf Dagala, ta ɗyaku guli ta ghwá.
Yardeŋ
Tsaya ghwa si ta kəl Yuhwana ka maga batem ŋa mnduha.
Zwaŋa mndu
Tsaya Yesu Kristi. Tsatsi tsa mndu vlaŋ Lazglafta ta inda mbraku, kulam nda mbrakwa tsa guma, nda ya nda planata dmaku ta mndu.
Zwaŋa tuwaka Lazglafta
1- Zwaŋa tuwak, ta hnə la Yahuda ŋa za Pak, ŋa hava saghwa taŋ ma luwa Masar.
2- Ta grə nda zwaŋa tuwak anabi Isaya ta kwalva Lazglafta ya ta suʼaftá ghuya ɗaŋwa.
3- Ma ɗelewera suna Yuhwana guli, tsa zwaŋa tuwak ta lmu nda halaway ya ná, Yesu ya.
Haleluya
Tsaya zləzlva Lazglafta, nda gwaɗa Hebru.
Hana
Tsatsi ta nzakway ka mali ta ghəŋa gwal dra skwi ŋa Lazglafta ma vaku 6-15 manda yatá Yesu.
Haruna
Tsatsi mala Musa, tsatsi taŋtaŋ mndu fam lu ŋa dra skwi ŋa Lazglafta. Ngha ta (Sabi 6:20).
Hebru
Ma saba la Israʼila ta ɓla ghwa Yardeŋ, ka tsanaftá lu ta hgu ta həŋ ka gwal si ta ɓla ghwa.
Həga tumpul
Həga ya magaf lu nda lgut kul haɗ imi ta laha dida. Ma fitika nzakwa la Israʼila ma mtak ta dzaʼa da luwa Kanʼana ná, tsaya magaf həŋ ŋa guya vgha mida nda Lazglafta.