कीर्तना 64

काबाडा इन्जेर किय्वल पार्तना

पाटा वारुस्वन साटि: दाविद्ना कीर्तन

1 बगवंता! नना पिरदि कीनेके ना विनंतितुन केन्जा.

पगा-दार्क्ना वेरेतल, ना परंतुन काबाडा.

2 नुक्सन किय्वलिरा कुट्रतल नाकुन बचि कीम.

करेबलिर किय्वल पिलंतल नाकुन काबाडा.

3 रूसिन मेसितपिनय वूर तम्वङ वेन्जेकुन मेसियंतेर.

वूर कपेटलिरङ गोस्टिङ बान कोलन मोडि मंतङ.

4 नियत्नुरकुन पायना इन्जेर वूर मक्सि मन्जि,

अव केय्मुल गोस्टिङ इंवलिक बान कोलने पांतेर.

वूर जरा गिर वेरे सेल्वक्ने अचनक वूर नियत्नुरकुन पांतेर.

5 वूर सोन्च किय्वलिक करब विचरकुन उंडे इचुर गट कींतेर.

“माकुन बोरे सूडुर” इन्जेर मक्डिते पासङ वाट्ले सोन्च कींतेर.

6 वूर करब कियन साटि, बस्के मोका पुटर इन्जेर सूड्सेर मंदंतेर.

अनि बेय तेलिविते पिलन वाट्सेर मंदंतेर.

माय्नना मन-दिलतगा मंवडुन दुस्रोर बोरे अर्तम किया परोर.

7 बति बगवंतल, तंवा बान कोलते वूरकुन पांतोर.

वूरकुन अचनक दन्कङ लागंतङ.

8 वूर बूड अरंतेर.

वूर अहन अर्ले कारन वूरा वेन्जेरे आंदु.

वूरकुन सूड्तुर वूर गुल आसि तलङ हालि कींतेर.

9 अस्के माय्नलिर सम्दिरकुन वेरे पिय्सि,

बगवंतल कीतङ कार्यन बारेते पचर कींतेर.

अव कार्यन दिहन इर्सि हेतु कींतेर.

10 नियत्नुर येहोवा बगवंतनगा आनंद येच्चेर, वोना कोरते दांतेर.

चोकोट-पांदे पिस्वलिर सम्दिर वोन मानि कीसि डगुर-पान सींतेर.