कीर्तना 47

सम्दोत पोरो अदिकार ताकुस्वल

पाटा वारुस्वन साटि: कोरहुना संतांदुर वार्ता कीर्तन

1 कलितुर लोकुर्निट! चपटिङ पाम्ट.

बगवंतन बारेते कुसिते जोर्ते वारट.

2 येहोवा देवल वेले डगुर अनि बाव-बक्तिता वेरे पुटुसनल मंवल आंदुर.

पूरो दर्तुरितुन, वोरे महा राजल आसि मंतोर.

3 वोरे दुस्रोक जातिनुरकुन हारे मानल कीतोर.

वूरकुन मावङ कालकुन बूड दाबि कीतोर.

4 वोर मा साटि वाग्दन सीता ईसता जागतुन आच्तोर.

अदेन तना लाड किय्वल याकोब्ना कांदांतुर साटि तूसि सीतोर.

रेला.

5 बगवंतल वाजा-गाजते तंवा कचुरितगा पोरो सोत्तोर.

तुरा नेक्सेर मनेके, येहोवा देवल पोरो सोत्तोर.

6 बगवंतन डगुर-पान सीसेर कीर्तन वारट.

मा राजन डगुर-पान सीसेर कीर्तन वारट.

7 बगवंतले सम्दो कलितुन राजल इन्जि,

डगुर-पान सीसेर कीर्तन वारट.

8 बगवंतल तंवा पवित्रा कचुरित पोरो उच्चि मंतोर.

वोर सम्दो जातिनुर पोरो राजल आसि मंतोर.

9 दुस्रोक जातिनुर पेदोल्क, अब्राहम्नोर बगवंतना पर्जत सङा मीरे मांतेर.

दर्तुरित पोरो राज ताकुस्वलिर सम्दिर बगवंतनुरे आंदिर.

वोर बगवंतना पोरोल बडे मायना.

उंडे करि कीका इंदकिते, www.koyang.in सूडा.