पगा-दारलिरा केय्दल सुटि कीम इन्जेर पार्तना किय्वल
पाटा वारुस्वन साटि सूचनङ: दाविद्ना कीर्तन.
13
1 येहोवा देवा! बचोङ रोज्क नाकुन मरुङ्सि मंदंति? बस्केट मरुङ्सिन मंदतिय?
नाकुन बचेजेल नीवा मोकोम तोह्वक मंदंति?
2 नना बचेजेल नावा मंदे रंदि कीसेर मंदना?
नावा दिल्ततगा रोजि दुक्सतेन मंदनय?
बचेजेल ना पगा-दार्क ना पोरो तेदंतेर?
3 येहोवा देवा, ना बगवंता! ना बाजुन सूड्सि,
नना पूसि कीततुन जवब सीम.
नावा ताकद नाकुन तिरिसि सीम.
सेलेते नावा मरन आंता.
4 अस्के ना पगा-दारलिर, तमय मेय्तपिनय वेहंतेर.
बस्केते नना हारे मांतोनो,
अस्के वोना इङे मार्ता इन्जेर,
ना पगा-दारलिर कुसिते पोके मांतेर.
5-6 बति ननते, नीवा मारियो अद पेर्मतगन बरोसा इर्सि मंतोन.
नीवा बचि किय्वडुन सूड्सि, नावा दिल आनंद येतंता.
येहोवा देवल ना साटि चोकोट्नङ काम्क कीता काड्कि,
वोन साटि नना कुसिते वारंतोन.