ƗMhola ɨNofu ɨja Yesu Kɨlɨsite
ndavʉle jalembilue nʉ
Malɨka
Ɨmhola ɨndongosi
Ɨkɨtabu ɨkɨ alyalembile ʉMalɨka jʉno ɨlɨtavua ɨlɨngɨ ghwe Yohani Malɨka. Ʉnsiki ʉYesu ye alɨ kʉ Yelusalemu, ʉmwene alyale nsoleka. ɄMalɨka ʉjuo pambele akava mʼbʉlanɨsɨvua ghwa Yesu. Alyale nʉ Paulo mʉ mbombo ɨja kʉpʉlɨsia ɨMhola ɨNofu ɨja Yesu Kɨlɨsite. Pambele akava palɨkɨmo nʉ nsungʼhua ʉPeteli.
Mʉ kɨtabu ɨkɨ imbombo sino akavombagha ʉYesu ndavʉle kusosia avatamu, kuhʉmia amapepo amalamafu mʉ vaanhu na kupyanɨla avaanhu inyɨvi saave, sikwolekua fiijo kukila ɨmbombo jaake ɨja kʉpʉlɨsia. Imbombo isio sooni sihʉfia ʉvʉtavʉlɨlua vwake kuuti alyahʉmile kwa Ngʉlʉve, akiisa, akitavʉla kufua kʉkʉvavanga avaanhu kuhʉma mʉ ngʉfu isa vʉhosi.