Seremi (Jérémie) 1

JÉRÉMIE

4 Fɩraa-Dũnnũ cãwandɩ̀ híí-m wà:

5 «Mǝ̃̀ wáalá mǝ̃ ji mã-n ǹ ɲũ kusuugɩ nã, mǝ̃̀ yáá mǝ̃̀ fǝ̃ǝ̃-n; ǹ wáalá n ji huu, mǝ̃̀ yáá mã̀ã kra ǹ nã ǹ dǝ, mǝ̃̀ yáá mã̀ã hiil-n ń ba tanhiilw coplaaga saa.»

6 Mǝ̃́ siɛ wà: «Eh! Fɩraa-Dũnnũ, mǝ̃̀ yigagɩ̀ yónnã́ ǹ-car, mǝ̃̀ nũɔ̃gɩ̀ sǝ̃n dwal cãwandɩ nã.»

7 Nǝ̃ Fɩraa-Dũnnũẃ hla nã̀ã waa nǝ̃-m wà: «Báa ne wà ǹ yigagɩ yónnã́ ǹ-car, nã̀ã wa mǝ̃̀ mãã mǝ̃̀ ji tĩɛ̃-n bàá bà minw mãã bà nãã, ǹ ji kã bà nãã, ǹ-ga waa cɔ̃m wo cɔ̃m mãã mǝ̃̀ kárrá mã̀ nã ǹ-hã-n.

8 Báa sɔ̃ bà nã, nã̀ã wa mã́ã nǝ̃ mǝ̃̀ hla mǝ̃́ nìɛ nǝ̃-n mǝ̃̀ ji hiil-n nãkrɔnɲã nã.» Fɩraa-Dũnnũẁ wáalá dɩ̀-lǝ dɩ̀-i nǝ̃-m.

9 Fɩraa-Dũnnũw nã̀ã fǝ̃ǝ̃ ǹ-fɩraa wù nãkruɔgɩ nã, ǹ-jĩɛ̃ mǝ̃̀ nũɔ̃gɩ nã nã̀ã ga da wú waa wà: «Mǝ̃̀ díilá mǝ̃̀ cãwanĩɛ̃ga ǹ nũɔ̃gɩ nã.

10 Ne, jimããgu, mǝ̃̀ dii tĩɛ̃rdarǝ-i ǹ nãkruɔgɩ nã, ń kã nǝ̃-dǝ coplaaga nãã nǝ̃ yuntaagǝ̃ngĩɛ̃'n yanɲã nã. N ga fa ǹ-fuur nã̀ã naa ǹ-jiil, ǹ-bǝ̃ǝ̃lǝ̃ǝ̃ nã nã̀ã hɩr, ǹ-mã nã̀ã so.»