Saburw (Psaumes) 23

Sabur 23

Dawuda hlǝ̃ǝ̃gu.

Fɩraa-Dũnnũw-i wanciinw: mǝ̃̀ síì naa kuu.

2 Wù hã-m nǝ̃ fiisaagu wancen'n sɔsǝri mãã nǝ̃ hyãbirĩɛ̃gu, wù cal wù kã nǝ̃-m hyasɩrãgǝgɩ nã hũm'n sùɔ́gɩ nã.

3 Wù ver wù hã-m fãngããgu, wù cal wù dii-m hlũsũɔ̃lgǝgɩ nã wù yir'n cɔ̃mmã nã.

4 Halle mǝ̃-ń ba mǝ̃̀ wáà mǝ̃̀ ta kúú'n jũɔ̃'n dudũũmã nã, mǝ̃̀ sǝ̃n sɔ̃ cɔ̃m nã nã̀ã wa ń nìɛ nǝ̃-m. Ǹ mãã ǹ ta mǝ̃̀ yigagɩ nã, nã̀ã ba ǹ pɛ mǝ̃̀ nã, gùú cíé mǝ̃̀ hiɛgá jiraa.

5 Nǝ̃-ń ce ń kra nũɔ̃sǝn wuurɩ nã juwuukaagɩ nã mǝ̃̀ kuurǝǝ'n yinɲã nã; ǹ tũn nɔ̃mmã mǝ̃̀ yuugɩ nã, nã̀ã ba nǝ̃-ń ce dii mǝ̃̀ guuɲũɔ̃kuugɩ́ yu ǹ-ba gɩ̀ tũnũũ.

6 Ũwũũ, ǹ kusufɩnfaagu nǝ̃ ǹ yalntasǝri, ɲã̀ ji ba ɲã̀ duu mǝ̃̀ nã mǝ̃̀ cuu yunɲã min nã, nǝ̃ mǝ̃̀ ga ver ǹ-ji ba Fɩraa-Dũnnũ suɔgu fuwɔ mǝ̃̀ cuu yunɲã ji tã.