Saburw (Psaumes) 18

Sabur 18

2 Fɩraa-Dũnnũ, yíi mãã mǝ̃̀ fãngããgu, ǹ cɔ̃mmã̀ dwal mǝ̃̀ nã.

3 Fɩraa-Dũnnũ, yíi mãã mǝ̃̀ tɩntalɩmmã, mǝ̃̀ wancĩĩmã, mǝ̃̀ hiiltiiw, mǝ̃̀ Dũnnũw, mǝ̃̀ mãã mǝ̃̀ cĩĩ gùú tɩntalɩmmã nã, yíi-i mǝ̃̀ haacĩĩkuugu, fãngããguu mãã gɩ̀ kor-m, yíi-i mǝ̃̀ kortiiw.

4 Fɩraa-Dũnnũ yiirɩ́ bũũ! Mǝ̃-ń kaasǝ wù yiirɩ nã, wù hiil-m mǝ̃̀ ɲããtaa'n nãkruɔgɩ nã-i.

30 Mǝ̃-ń ba nǝ̃-n, mǝ̃̀ juuraa ǹ-du sɩrǝǝsɩba kuruɔgɩ nã-i; mǝ̃-ń ba nǝ̃ mǝ̃̀ Dũnnũw, mǝ̃̀ huɔl ǹ-maa dofũũl-i.

31 Dũnnũ hlũsǝrɩ́ nǝ̃ dìi jalliɛ, Fɩraa-Dũnnũ cãwandi sulam-i; bà min mãã bà da wanŋmǝ̃ǝ̃rǝ̃mmã wù saa, wù cíé bà haacĩĩkuu-i.

32 Halǝmblǝ-i Dũnnũw, gɩ-ń vã ǹ-hlǝ Fɩraa-Dũnnũw nã, halǝmblǝ-i tɩntalɩmmã, gɩ-ń vã ǹ-hlǝ yì Dũnnũw nã?

33 Dũnnũ hlã́ã̀-m nǝ̃ fãngããgu, nã̀ã ba wù hiil hlũsũɔ̃lgǝgu wù hã-m.

34 Wù ce mǝ̃̀ vyanɲã́ ba ɲã̀ gǝǝraa nã́ã́ ŋmãsɔ̃'n ɲin-i, nã̀ã ba wù ce mǝ̃́ ba hirammã nã tãmbiiga nã.

35 Wù kal-m nǝ̃ byarcegu, nã̀ã ba wù pɛ mǝ̃̀ nã mǝ̃́ ba mǝ̃̀ fa kwabyãr'n tǝ̃ǝ̃gu.