Saburw (Psaumes) 8

Sabur 8

Dawuda hlǝ̃ǝ̃gu, gɩ̀ hlǝ́rá hlãnhyarriɛ'n yuuntii'n sɛbɛw nã-i nǝ̃ Gatɩ bɩɲɩw.

2 Fɩraa-Dũnnũ, yíi mãã Yitiiw! Ǹ yiirɩ́ fa ǹ-car ɲũũrũũgɩ min nã! Ǹ yuuntasǝrɩ̀ máalá drɔkuɔl'n dǝlli.

3 Nǝ̃ ǹ ta tãnkuurbiiba nǝ̃ caalinãã'n nɔ̃nɲã nã-i, ǹ-pɩgaa ǹ ɲããtaabá fǝ̃ǝ̃ ǹ fãngããgu. Gɩ̀-lǝ gɩ̀ tammã, ǹ ce ǹ kuurǝǝba nǝ̃ mããjaamnhiilaabá suu bà nɔ̃nɲã nã.

4 Mǝ̃-ń ba mǝ̃̀ ne drɔkuɔlii mãã ǹ nãkrɔnɲã̀ cíé-dǝ, hyargaagu nǝ̃ ŋmĩɛ̃ga, ɲã̀ã́ mãã ǹ cíé ɲã́ hiraa,

5 mǝ̃̀ yugu mǝ̃̀ hla wà: curo'n blɩ, bii kuu-i nǝ̃-yǝ, nǝ̃ ń ba ǹ kãnãã wù cɔ̃mmã nnĩĩ, cwaanbiiba, bii kuu-i nǝ̃-ba nǝ̃ ń ba ǹ blǝ bà nã?

6 Nǝ̃ ǹ cíé wú ba nã́ã́ wu vaa nǝ̃ mɛlɛgɛba-i, ǹ hlã-yǝ nǝ̃ yuuntasǝ'n gbɩgbaamã nǝ̃ bũũmã.

7 Ǹ cíé wú ba ǹ ɲããnǝ̃ǝ̃ɲã min yuugɩ nã, ǹ díilá ɲã̀ min wù vyanɲã taara:

8 tũmba, wuramba nǝ̃ ninɲã, halle jerbɩganãã yo,

9 drɔ diɛrnɲinɲã nǝ̃ lwaakɩnkan'n tɩtraaba, nǝ̃ ɲã̀ min mãã ɲì ta lwaakɩnkan'n hlũmbiiga nã.

10 Fɩraa-Dũnnũ, yíi mãã Yitiiw! Ǹ yiirɩ́ fa ǹ-car ɲũũrũũgɩ min nã!