Saburw (Psaumes) 7

Sabur 7

Dawudaẁ hyárrá gùú hugɔ̃nãm'n hlǝ̃ǝ̃gu ǹ-hã Yitiiw,

2 Fɩraa-Dũnnũ, yíi mãã mǝ̃̀ Dũnnũw, mǝ̃̀ díɛ́ wanŋmǝ̃ǝ̃rǝ̃mmã yíi nã-i: kor ń hiil-m mǝ̃̀ cuɔltaaba min nãkruɔgɩ nã,

3 nã̀ã wa bà ji fa ǹ-jãrãã mǝ̃̀ nã nã́ã́ jaraba-i, ǹ-buruɔ mǝ̃̀ nã ɲũgɔ̃ɲũgɔ̃, curo'n síì hiil-m dɩ̀ nã.

4-6 Fɩraa-Dũnnũ, mǝ̃̀ nãkrɔnɲã-ń ba ɲã̀ã ce cɔ̃ncĩɛ̃mã, mǝ̃-ń ba mã̀ã ce wùú mãã wù ya hyasɩrãgǝgɩ nã nǝ̃-m, nǝ̃ diibɩblaari, mǝ̃-ń ba mã̀ã ɲǝ̃ǝ̃ ǹ-hũɔ̃ wùú mãã wù káá ǹ-suro mǝ̃̀ yuunã nǝ̃ǝ̃nĩĩ, wù kuudagǝ, yíi mãã mǝ̃̀ Dũnnũw, mǝ̃-ń ba mã̀ã ce gɩ̀ gaaciega, mǝ̃̀ ɲããtiiẃ ɲǝ̃ǝ̃ ǹ-duu mǝ̃̀ nã ǹ-ga hi-m, wú nar-m, ǹ-bla mǝ̃̀ yiiri! Fiisa.

7 Fɩraa-Dũnnũ, suro ǹ hyadũũgɩ nã, mǝ̃̀ kuurǝǝ'n piirǝmmã yuunã, yíi mãã ǹ kra sũɔ̃lɩmmã nã, nĩĩ ń suro ń pɛ mǝ̃̀ nã.

8 Coplaa'n kuruɔgɩ́ juo caliɛ ǹ nã, ver n ji bà yuugɩ nã, ǹ yuuntasǝ'n guujirakuugu drɔ!

9 Fɩraa-Dũnnũw járrà coplaa'n sugolli: jar mǝ̃̀ sugolli, Fɩraa-Dũnnũ, ǹ-vaa nǝ̃ mǝ̃̀ sũɔ̃lɩmmã, nǝ̃ mǝ̃̀ covĩĩsǝri!

10 Yíi mãã ǹ fǝ̃ǝ̃ cwaaba min hiɛga, nǝ̃ bà yisɩnã cɔ̃mmã, yíi mãã Dũnnũsũɔ̃lyǝw, guu cobaliɛ'n gaabɩbliɛga nã, nǝ̃ ń dii kɩkǝmmã cosũɔ̃lbaba nã!

11 Mǝ̃̀ haacĩĩkuugɩ́ nǝ̃ Dũnnũw tuɔra-i: wù kor bàá mãã nǝ̃ hyasũɔ̃lĩɛ̃ga.

12 Dũnnũw, sugojarrasũɔ̃lyǝ-i, Dũnnũ-i, wùú mãã wù ce bá fǝ̃ǝ̃ wù hyadũũgu yuu wo yuu.

13 Cobalw-ń ba wù sáa nǝ̃nǝ̃ǝ̃ nã̀ã tuu ǹ-tu, wù ji hiil wù dãngunã nũɔ̃gu, wù ji dii wù cũɔ̃gǝgu tǝ̃ǝ̃gɩ nã nã̀ã fa-gǝ ǹ-vĩĩ-yǝ.

14 Wù mǝ̃gaa cokuoɲinɲã wùú cɔ̃mmã nã-i, nã̀ã ce wù cũɔ̃nɲã́ ba ɲã̀ ye.

15 Cobalw tɩ́gɩnǝ̃̀ǝ̃ diibɩblaarɩ nã, wù dii hujãncɔ̃mmã wù kusuugɩ nã, ǹ-ba wù ji huu kwasǝri.

16 Wù cugur fuugu, ǹ-ka-gǝ, nǝ̃ wù duruu fuugɩ nã mãã wù káá-gǝ.

17 Wù hujãncɔ̃mmã̀ ver ǹ-duruu wù yuugɩ nã, nǝ̃ wù hyadũgaaciegá juo vaa nǝ̃ wù sãnũũgu.

18 Mǝ̃̀ ji bũũ Fɩraa-Dũnnũw wù sũɔ̃lɩm'n cɔ̃mmã nã, mǝ̃̀ ji ba mǝ̃́ hyar Fɩraa-Dũnnũ yiiri, wùú mãã Drɔ-Dũnnũw.