1 Rois 5

9 Dũnnũẁ hlã Solmãnw nǝ̃ yigakaalagǝgu, nǝ̃ cɔ̃nfǝ̃ǝ̃gǝ̃ngããgu dugɔ, nǝ̃ guufǝ̃ǝ̃gǝ yo gɩ̀ yáá gùu bũũ nã́ã́ lwaakɩnkan'n nũɔ̃'n hlɔ̃mpier-i.

10 Solmãn yigakaalagǝgɩ̀ yáá gùu maa Arabii yiɛ'n yigakaalataaba min kuugu, nǝ̃ Misɩra yiɛ'n bɩgaa yo.

11 Wù yigakaalagǝgɩ̀ yáá gùu maa curo wo curo'n kuugu. Wù tuɔra coplaaga min, gà yáá gàa nɔ̃ wù yiirɩ nã.

12 Wù wáalá cɔ̃mmã nũmũn tonnũɔ̃sɔ̃ trãngwaahǝ̃ǝ̃l bà siɛlba (3 000) kusunã, nã̀ã hiil hlãn tonnũɔ̃sɔ̃ trãngwaahǝ̃ǝ̃l nǝ̃ ɲã̀ ndii (1005).

13 Wù wáalá tubiɲin'n cɔ̃mmã, ǹ-tuu Libã yiɛ'n tubikuugɩ nã mãã bà be-gǝ wà sɛdɩr, ǹ-ga kra isopetuugɩ nã mãã gɩ̀ hlǝ dofũũlɩ nã. Wù wáalá kwasǝnɲin'n cɔ̃m yo, diɛrnɲin'n cɔ̃mmã, baafuulǝba'n cɔ̃mmã, nǝ̃ tɩtraa'n cɔ̃mmã.

14 Coplaaga min nã, ɲũũrũũ yuntaagǝ̃ngĩɛ̃ba min mãã bà yáá bàa nɔ̃ Solmãn yigakaalagǝ'n cɔ̃mmã nã, bà yáá bà tĩɛ̃ cwaabá ba bà kã bà nɔ̃ wù cãwanĩɛ̃ga.