Samiyɛl sɛbɛdĩɛ̃lw (1 Samuel) 15

10 Fɩraa-Dũnnũ cãwandɩ́ juo hi Samiyɛlw wà:

11 «Mǝ̃̀ jáa ba mǝ̃̀ ne wà mǝ̃ nã́ã̀ báa kra Sayulw nã yuuntasǝrɩ nã, nã̀ã wa wù vérrá wù furũũgu ǹ-hã-m, nã̀ã ba wù sǝ̃n wáà mǝ̃̀ cãwandɩ́ suu.» Samiyɛl hiɛgá dũ, wú ba kaasuugɩ nã, wù be Fɩraa-Dũnnũw yisuɔgɩ min nã.

12 Wú curuɔ gɩ̀ taakaalgu, ǹ-ta ba ga da bà ɲĩɛ̃ nǝ̃ Sayulw. Bá kãã waa nǝ̃-yǝ wà: «Sayulẁ tíɛ́ Karmɛl lǝri, wù mlã cɔ̃nkãnãkuudagǝ gɩ́ ba gɩ̀ bũũ wù yiiri sùɔ́gɩ nã, nã̀ã fǝ̃ǝ̃ ǹ-ver ǹ-ta wù maar halɩmmã nã, wù hɩr wù maar Gilgalgɩ nã.»

13 Samiyɛlẃ kã Sayulw nãã, Sayulẃ fǝ̃ǝ̃ ǹ-waa nǝ̃-yǝ wà: «Fɩraa-Dũnnũẃ piɛ wù nãkrɔfɩnfaagu ǹ drɔ. Mǝ̃̀ cíé Fɩraa-Dũnnũ cãwandɩ́ suu.»

22 Samiyɛlẃ waa wà: «Ǹ-nɔ̃ ǹ-hã Fɩraa-Dũnnũ yalli, gùú dwállà wù nã dàa, siimãã mãã bà ye-mã nǝ̃ yellɩ nã, nǝ̃ kwasǝnɲin'n siim dwállà wù nã? Gbal-i, nǝ̃-ń nɔ̃ ǹ-hã-yǝ gùú búɔlá siimã nã, nǝ̃ ǹ-mǝ̃gaa ǹ-jǝ̃ǝ̃ ǹ tũɔ̃gu ǹ-nɔ̃ wù saa, gɩ̀ buɔ tugɔliɛ'n nɔ̃mmã nã.

23 Sulammã nã, nǝ̃-ń suro Fɩraa-Dũnnũw yuunã, ǹ yuɔrɔmmã̀ vaa nǝ̃ siisiirǝǝ'n mǝ̃gãm-i. Ǹ-hla ǹ hla nã Fɩraa-Dũnnũw saa, ǹ yuɔrɔmmã̀ vaa nǝ̃ kiijãnnĩɛ̃'n mǝ̃gãm-i. Ǹ mãã ǹ nǝ̃́nǝ̃́ǝ̃ Fɩraa-Dũnnũ cãwandɩ nã, wùú yo wù nǝ̃́nǝ̃́ǝ̃ ǹ nã: ǹ síì ba yuuntigǝ̃ngãw hlo.»