Deteronɔm (Deutéronome) 32

Drɔkuɔl yíì, jǝ̃ǝ̃ ǹ tũɔ̃gu, mǝ̃̀ jo mǝ̃̀ ji wanãã-i, ɲũũrũũ yíi yo nɔ̃ mǝ̃̀ cãwanĩɛ̃gaa mãã gà ji hlǝ mǝ̃̀ nũɔ̃gɩ nã.

2 Mǝ̃̀ kárrá gàá nã mãã ǹ-hã-ɲã́ã̀, gá ba gà tũnũũ nã́ã́ duɔ-i, mǝ̃̀ cãwanĩɛ̃gá ba gà pu nã́ã́ ɲãluu púllǝ̀ hĩɛ̃gɩ nã, nã́ã́ hũngondolbii-i hĩɛ̃gɩ nã.

3 Sulammã nã, mǝ̃̀ ji hiil mǝ̃̀ yalli ǹ-ba mǝ̃̀ be Fɩraa-Dũnnũ yiiri. Bláà ɲì bũũ yi Dũnnũw.

4 Fɩraa-Dũnnũw-i tɩntalɩmmãã mãã mã̀ cii cwaaba nã; wù gaaciegá nǝ̃ gàa jalliɛ, nã̀ã wa wù hlũsǝrɩ min dɩ́ nǝ̃ dìi sũɔ̃l. Yalntii Dũnnũ-i, cɔ̃ncĩɛ̃mã̀ sǝ wù nã. Wú nǝ̃ wùu sũɔ̃l nã̀ã ba sulammã nã.

48 Gùú yuugɩ̀ dɩngu dàa Fɩraa-Dũnnũẃ waa nǝ̃ Musaw wà:

49 «Yugo Abarim bluu'n tãnũnɲã nã, Mohabɩgu, nǝ̃ ń yugo Nebo tãnũũ'n yuugu ń ba Seriko lǝ'n yigagɩ nã, nǝ̃ ń ne Kanãã yiɛguu mãã mǝ̃̀ ji hã Isɩrayɛl bluubaa nǝ̃-gǝ gɩ́ ba bà kuugu.

50 Ǹ mãã ǹ ga yugo gùú tãnũũgɩ nã, ǹ ga ku dàa, ǹ ga ku ǹ-duu ǹ tǝvũnvãnããba nã nã́ã́ ǹ vũnvũɔ̃ Arɩnãẁ kúú Hɔr tãnũũgɩ nã nĩĩguu mãã ǹ-duu wù vũnvãnããba nã.

51 Yíì nǝ̃ Arɩnãw, ɲi mãã ɲì sáa hũɔ̃ ǹ-ba yalntaaba mǝ̃̀ cɔ̃mmã nã, Isɩrayɛl bluu'n yigagɩ nã, Meriba hũm'n cɔ̃m'n sùɔ́gɩ nã, Kadɛsɩ lǝri, Tɩsin jerkwaarɩ nã, Ɲi sáa hũɔ̃ ǹ-pɩgaa wà mã́ã-i Dũnnũhuhoryǝw bà yigagɩ nã.

52 Gùú ji ce ǹ ji ba ǹ maa ǹ-da gùú yiɛguu mãã mǝ̃̀ hã Isɩrayɛl bluuba nǝ̃-gǝ nǝ̃ ǹ síì jãn gɩ̀ kusunã.»