Deteronɔm (Deutéronome) 18

15 Fɩraa-Dũnnũw, ǹ Dũnnũw, wù ji ce wù tanhiildiɛ hlǝ ǹ nãã, ǹ yiɛntaaba sǝ̃ǝ̃nã ǹ-hã-n, wù ji ba wù ce mããcemmã nã́ã́ mã́ã-i, ji ba ǹ nɔ̃ ǹ hã-yǝ.

16 Ǹ yáá nã̀ã cirǝ̃ǝ̃ dɩ̀-lǝ dìi nã-i Fɩraa-Dũnnũw saa, ǹ Dũnnũw, Horɛbɩ tãnũũgɩ nã. Ǹ yáá ǹ waa wà: «Mǝ̃̀ sǝ̃n caa mǝ̃́ ba mǝ̃̀ nɔ̃ Fɩraa-Dũnnũ yallɩ nã, mǝ̃̀ Dũnnũw. Mǝ̃̀ sǝ̃n caa mǝ̃́ da dǝ̃nkɩnkãn díɛ̀, mǝ̃ báa ji ku!»

17 Gɩ̀-i Fɩraa-Dũnnũẃ fǝ̃ǝ̃ ǹ-waa nǝ̃-m wà: «Dɩ̀ dwállá-ba, bá waa-dǝ gɩ̀-lǝ gɩ̀ tammã.

18 Mǝ̃̀ ji ce mǝ̃̀ tanhiildiɛ hlǝ nã́ã́ yíi-i bà sǝ̃ǝ̃nã, bà yiɛntaaba sǝ̃ǝ̃nã ǹ-hã-ba. Mǝ̃̀ ji dii mǝ̃̀ cãwanĩɛ̃ga wù nũɔ̃gɩ nã, mǝ̃̀ mãã mǝ̃̀ ji kra cɔ̃m wo cɔ̃m nã mãã ǹ-hã-yǝ, wú ji waa-mã ǹ-ja-ba.

19 Mǝ̃̀ cãwanĩɛ̃gaa mãã wù ji waa-ga mǝ̃̀ nũɔ̃'n drɔ, gùú tii nǝ̃n hla-ga, mǝ̃n-lǝ mã́ã ji yugu gɩ̀ tiiw.