Matghaaraam Bulis ghadam Aghriibaas
26
Ka xare Aghriibaas igil Bulis,
“It nafiska igil tidaafeq ijaazat bika,”
belayu.
Ka Bulis ib idehu inlaxabbir matghaaraamu astabda wa bela:
2 “Malik Aghriibaas yaha,
it nafishshe daafqochche it xidurka didda tihamma Yahud killa baqal gad waddenni
3 wa la sabab inta qaaraaffa Yahud wa la jidaalom killu sanni taámmirrom.
Jalliibu ib asbarot igil taáttasenni itrajjeka.
4 La Yahud killom ana min niíshshe kim kafo itnaabar qalko laámaro min istibda xayochche diib balajje wa bardu diib Orshaliim.
5 Min waghit sanni laámruni ka min litnayato igil lishhado ghadro telyaay mazhabba diinna la matqassib kim qalko bahalat Farrisi nabarko.
6 Wa la sabab la yom itxaakam ibbu halleko saáyobye diibba waqad la Rabbi abawna waqada ibbu tu.
7 Illi waqad illi tu la ghabayil shaqabna la qasir kilé tamiimu laánokya laali wa amqil ib maqadtam Rabbi inkadma.
Aabretka malik,
ib sabab illi saáyob tu la Yahud laáttahimuni hallaw.
8 Amiin qaghnasót Rabbi igilla maaytaam kafo taággam itkum?
9 Ana ma qightinoq qalko la litghaddaranni killu igil ide simet Yasoq la Naasiri igil qaarid.
10 Wa illi la diib Orshaliim wadekowu tu.
Ib mawaafaghat ruásaala kahana bizxaam minna ghiddiisiin sajanko wa igil litqaadamo sawatko.
11 Wa kam wa kam diibba maqaabid tnaakasko igil atqaaghibbom wa it manghamo kifur igil ighaasibbom jarrabko.
Wa min bizxe ibbiye asik madayin biqidat gisko igil qadtrissom.
12 Wa igir xatte asik Dimashgh twajjahko ib takliif wa tarkiis minna ruásaala kahana.
13 Baqal xishmat yaha,
it gabey inana taghaarib addihir nur barhatu tsaxaay iitaqarre ba ichche wa it dtarye inlaábarrih reéko.
14 Wa kilna arid batsxana wa kirin ib Araamiyat titlaakenni samqako intibil,
‘Shaawul,
Shaawul,
igil mi taátkalaabtanni halleka?
Xariibka did iraadachche fariidt balghat tu.’a
15 Ka saálko,
‘Min inta mamba?’
Ka balsa,
‘Ana Yasoq la inta taátkalaabitu halleka ana,’
inlibil.
16 ‘Bidtaarka gibá!
La sabab la iglu treékoka kedmaay wa shaahid igil qayinakka tu,
ibba reékaahu wa xagho illa la tiriíyu igil tishhad iyye.
17 Wa minna shaqabka wa minna umammiyiin igil inajjeka tu.
Askom ilíikaka halleko
18 qintaatom igil tifaadtigh wa min tsilmat asik barhat wa min saydtarat shedtaan asik Rabbi igil tiblassom maghfarat zinub igil lirkabo wa misilla ib amiin ibbiye tghaddasaw nasiib igil lahalle ilom.’
19 Malik Aghriibaas,
xagho laha la rúya la min sama yaqaseko.
20 Ib salif igilla la diib Dimashgh hallaw wa asaru igil sab Orshaliim wa Yahudiya killa wa xare la umammiyiin bashsharko igil litobu wa asik Rabbi igil laqaghbilo wa tobatom ib qamal igil libarhino.
21 Ajil illi tu la Yahud diibba haykal tsabdtawni wa igil lightaluni jarrabaw.
22 Laakiin Rabbi asik illa maddat gona sadenni ka insar baadtir halleko xawaan wa baagheq inibashshir la wa ibillu Musa wa la nabyaat la tnabbáw ibbu iisarrir
23 wa hitu la Masex kim matstsits wa min mot ghadam killu kim ghannits wa kiínna nur Rabbi laqallin igilla Yahud wa la umammiyiin gats xid.”
24 Ka faját Fastus dtarxa,
“Bulis,
inta naagi yiínta!
Bizxe diraasat qayanekka.”
25 Ka Bulis balsa,
“Shirruf Fastus,
ana iinagot alabye.
Ana la amaan kibbit ribbit ininta afaggirra halleko.
26 Illa imur illa igilla malik gaashshayit iiko wa ana ib ghiloq ithaagayu halleko.
Ikud ana xatte minna kim iitbadde minnu ajil diib midwaar iigabát.
27 Malik Aghriibaas,
inta la nabyaat taámmin?
Kim taámminnom ghaawi yaána.”
28 Wa xare Aghriibaas igil Bulis belayu,
“Ittilli waghit xaciir Masixi igil igbá igil taátámnanni tghaddir maslakka halla?”
29 Ka Bulis balsa,
“La waghit liriim wa lixicar,
Rabbi iddeqe inta wa la sammaqo hallaw killom kimsaleye igil tigbó,
illa salaasil la sarraratta.”
30 Wa xaghohu la malik wa la xaakim wa Barniiki wa la xaadraam qalaw ghantsaw.
31 Wa la ghaaqat xadgaw wa igil xid,
“Illi inaas sijin aw mot la laáttastihil iiwada,”
inliblo.
32 Wa Aghriibaas igil Fastus kiínna bela,
“Illi inaas wadtallagha qala ghadiyatu asikka Ghaysar raafeq min iilaqale.”