Budtrus wa Yuxanna ghadamma majlis
4
Budtrus wa Yuxanna la shaqab inde lithaagaw la kahana wa masúlla xarassa haykal wa la Saddughiyiin matsáwom.
2 Wa sanni duyughaam qalaw sabab la luúkaam ghaniits Yasoq min mot wa ib iijali ghiyaamat laádarso wa laqallino qalaw.
3 Ka Budtrus wa Yuxanna tsabdtaw wa jalla maasi madir qala asik tsibbixiita sajnawom.
4 Laakiin bizxaam minna zaqat samqaw amnaw ka qilibba emnat xamis alif tghaaraba.
5 Wa fajrata diib Orshaliim la merxat wa sabba gats wa qilamalla shariiqat ajtamaqaw.
6 Mislom Xannaan riíssa kahana wa Ghayaafa wa Yuxanna wa Iskandar wa biqidaam la minna faraq riíssa kahana la gaáw.
7 Wa Budtrus wa Yuxanna tlaakaw wa it migib qabdtarawom wa saálawom,
“La ilu wadekum,
ib mi xiilat wa ib simet min wadekumu?”
8 Budtrus ib Rox Ghiddus milú inintu balsa ittom,
“Yahaw ruásala shaqab wa la qabayiihu,
9 yom ibba sababba maqruf la igil nafar miskun wadenaahu titxaghghagho min hallekum,
kim kafo tshaffa igil taámro,
10 intim wa shaqab Israíil killu illa aamro,
ib simet Yasoq la Masex la Naasiri la ilu salabkum minnaata Rabbi min mot laághnatsayu tu la inde shaffa ghadamekum baadtir halla.
11 Illa hitu
‘la imin la intim la nedghat tgarafkuma,
la iminna xighaab gabát.’a
12 Imbal ibbu,
mangafo yahallet jalla mittaxat sama Rabbi simet biqidat addaami naggif ibba yahaba.”
13 Ka la majlis min bataakat Budtrus wa Yuxanna taqajjaba wa qillumaam kim iiko wa minna qaamatta shaqab kim tom tbayana illom.
Wa kim baak Yasoq qalaw fahamaw.
14 Laakin la inaas la tshaffa mislom baadtir sabab raáwu la ila liblo saánaw.
15 Ka la Majlis Budtrus wa Yuxanna ib fagiir ammara igil lishur.
16 Wa xid saálaw,
“Illi sab mi nibassiru?
Mistinkir riít kim ajraw wa killom sab Orshaliim kim raáwa igil nibre yiínghaddir.
17 Minnaata la hidig asikka shaqab ziyaada igil iititnashshar,
naxazzirrom girra illa ib simet Yasoq orot igil iilithaagaw.”
18 Ka atlaakawom wa killu killu ib simet Yasoq igil iilithaagaw wa iilaádriso ammarawom.
19 Laakiin Budtrus wa Yuxanna belawom,
“Ib qin Rabbi,
ayi tu la raateq,
dtaqatkum ma dtaaqat Rabbi?
Xikamo!
20 Xina di min mathaagaay ibba raénaahu wa la samqanaahu igil nahawid yiínghaddir.”
21 Ka la majlis ziyaada haddadayom wa it makallasi dtallaghawom jallaab igil laqaaghubom iighadraw.
Wa killu la shaqab Rabbi laxabbin qala ajilla muqjizat
22 jalliib la inaas la tshaffa miskun inintu millaqal qarbaqa sanat xaalafa.
Daqala emnat
23 Wa Budtrus wa Yuxanna kim tarxaw inintu asikka emnat la biqidaam qaghabalaw wa ib killu la ruásaala kahana wa sabba gats belawom tu assaálawom.
24 Ka ib daqa ib oro lib asik Rabbi twajjahaw wa belaw,
“Wo Rabbi la Ghadiir,
wo Kaaligh midir wa sama wa baxar wa killu la halla diiban,
25 wo la ib Rox Ghiddus ib af kedmaayka abuna Daawid:
‘La umam,
ajil mi tshawshir hallet?
Wa la shiqub,
ajil mi ib ghallo ghallotaat
abyaát wa afgarat?
26 Milukka iddinya shaamakaw
wa la ruásaaha ajtamqaw
wa did Molaay wa masexu tsaadaw,’b
tibe.
27 Ib biyun illi diib illa madiinat jara ajil Hirudos wa Bilaadtos la Bundti wa la wasaniyiin wa shaqab Israíil did Yasoq kedmaayka la ghiddus la ilu qashshalka taxaalafaw.
28 La hitom wadawu killu min badiir isduru qalaka xassabba sildtatka wa iraadatka.
29 Wa aze,
wo Molaay,
tahdiidom simaq wa igilna agbirka bataakat baatkat habanna zaqatka igil naqallin.
30 Wa ideka ib xiilat shifa midad ib simet Yasoq kedmaayka la ghiddus mistinkiraat wa qajaayib igil tijre.”
31 Wa xagho daqaw la akaan la itta ijtimqaam qalaw hanghalghalat wa killom ib Rox Ghiddus tmalláw wa ib bataakat zaqat Rabbi igil laqallino astabdaw.
La emnat la bom tu litxaawalo
32 Wa la emnat oro lib wa oro qaghil qalaw.
Wa nafar minnom la bu tu killu kim naay bannu tu lissammuqu yaqala,
naay xiwaale qala indiíko.
33 Wa la luúkaam ib xiilat daamghat ib ghaniits Molaay Yasoq lishhido qalaw.
Wa niqimat Rabbi ib ruúy misil killom qalat
34 wa diib migbom xiguz yaqala sabab killom la girah aw abyaat qala ilom laázabbiwa wa ib qawla matstsó qalaw
35 wa xantela luúkaam karruwu qalaw.
Wa hitom itta xiguzaam wazziqiwu qalaw igil oroka akilla maxgazu.