Haarun it akaan Musa lithaage
7
Ka Rabbi igil Musa belayu,
“Lib kire,
igil Firqon kim ilaah igil idekka tu wa Haarun xuka kim nabi igilka igil idayu tu.
2 Inta killu la iblakka Haarun taássiíl wa Haarun Firqon laássiíl wilaad Israíil igil laqarxe min baladu igil lifgaro.
3 Wa laakiin,
lib Firqon atsanneq wa muqjizaachche wa qajaayibye diib Masir ila bazxaya min bazzaxa,
4 iisammaqakkum.
Ka Masir izabbidt wa jameq shaqabye wilaad Israíil min Masir afaggir wa itta Masriyiin xikim saareq ifarrid.
5 Dolat Masir izabbidt wa wilaad Israíil afaggir minna,
la Masriyiin ana Rabbi la Daayim kim ana laámro.”
6 Ka Musa wa Haarun Rabbi dtayqaw wa kimsal belayom wadaw.
7 Wa waan Firqon tahaagaw Musa wad samaanya sanat qala wa Haarun wad samaanya wa salas sanat qala.
La mora arwe tgabbí
8 Wa Rabbi igil Musa wa Haarun belayom,
9 “Firqon,
‘Mistinkir xazze halleko,’
waan liblakkum,
igil Haarun moraahu igil linsá wa ghadam Firqon igil lugarra ammirru,
wa hita arwe igil taqaghbil tu.”
10 Ka Musa wa Haarun asik Firqon ataw wa kimma Rabbi ammaraya wadaw.
Haarun moraahu ghadam Firqon wa dtarru wagraya ka arwe gabát.
11 Ka Firqon la manjimiin wa la qarraafiin tlaaka wa hitom shaxarattiit Masir qalaw ka ib shixirom kimsalhu wadaw.
12 Orohomka moraahu wagra wa xatteka arwe gabát,
laakiin mora Haarun la marawihom waxadtat.
13 Ka lib Firqon tsinqe attalala Musa wa Haarun igil iilismaq kimma Rabbi belaya.
La maay dam laqaghabbil
14 Ka Rabbi igil Musa belayu,
“Lib Firqon tsinoq tu wa qarxayot shaqabye aba.
15 Ka assibox asik Firqon giis inde warrid wa itta nagebba nahar taakeyu wa ibba ideka la mora la arwe qaghbalat nisá.
16 Wa ballu,
‘Ghadam illa Rabbi Molaayya Qibriyiin laákenni itka wa belekka,
“Shaqabye qarxe itta baadobat igil liqibaduni,”
laakiin asik aze inta izin yahabka.
17 Wa aze liblakka halla,
“Ibbilla muqjizat ana Rabbi la Daayim kim ana taámmir.”
Ibba moraaye la itta ideye hallet la maayya nahar igil izbadt tu wa dam igil laqghbil tu.
18 Wa la samak la diibba nahar halla igil limut tu wa la nahar igil limashmish tu wa la Masriyiin minna maayu igil listaw igil ligdaro iiko.’”
19 Wa Rabbi igil Musa belayu,
“Igil Haarun,
‘Moraaka nisá wa ideka midad raássa maayaataatta Masriyiin,’
ballu wa la anhaarom wa la ghanawaatom wa la ashraamom wa la maraataatom dam igil taqaghbil tu.
Wa it arid Masir killa dam igil lahalle tu,
wa la agirbat la hallet itta min qicey wa iman dam igil tigbá tu.”
20 Ka Musa wa Haarun kimma Rabbi ammaraya wadaw.
Wa Haarun la mora wadtdtadta wa maayya nahar hawasha ghadam Firqon wa dtarru.
Ka maayya nahar killu dam qaghbala.
21 Wa la samak la ghabatta nahar tmaayata wa la nahar baddana.
Ka la Masriyiin minna maayya nahar igil listaw iighadraw wa la dam it ardat Masir killa qala.
22 Wa shaxarattiit Masir ib shixirom kimsal illi wadaw.
Ka lib Firqon tsinqe attalaala wa Musa wa Haarun iisamqa kimma Rabbi belaya.
23 Wa Firqon gesa wa betu ata wa ibbilli ma iibaala.
24 Wa la Masriyiin diwaarra nahar xafraw ajil maay siito jallaab minna maayya nahar igil listaw iighadraw.
Ghawarreq
25 Wa xagho Rabbi la nahar jaglaba,
saboq miqil xalfaya.