NJUNDA
Mantû ma baarûa îno
Baarûa îno yîtagwa riîtwa rîa mwandîki wayo, Njunda. Na wa ta bûra aanjîîrîîtie na gûtwîra, Njunda aarî mûruagina wa Njakubu na Yiesû Kîrîstû, îndî atigweteete Yiesû. Njunda n'we aarî mûniini kîrî bo.
Kûrîoneka taka Njunda akîandîka baarûa îno aandîkagîra Ayaundi bara bangî t'we n'ûntû mantû mara maingî agweteete makoneetie *Kîrîîkanîro Gîîkûrû, mara eerîgagîîra i bamaiyî.
Gîtûmi kîa baarûa îno i kûbamenyithia beemenyeere kîrî aarimû ba ûrongo bara beetuîkithagia Akîrîstû. Njunda augîîte, “... ndeegua mbwandîkîre mbûkinyîîrie mbwîre bûthi na mbere kûrwîrîîra wîtîgio bûra Ngai aanenkeere antû baake rîmwe na rîa mûthia.”
Gwookubî baarûa îno îkari ûûgû:
Nkeethi (-1-2)
Mîkarîre, ûrutani, na îgamba rîa aarimû babu ba ûrongo (-3-16)
Kwîbanda wîtîgioni bwa mma (-17-23)
Gûkumithia Ngai (-24-25)