Mateo
Jesú k'orea pedea pia Mateopa bɨda
Jesú ome p'ɨrrɨaparí Mateopa nãɨ k'art'a bɨsima. Mateo ichiaba Leví apachidama. Mateopa Romanepema pae erreara jɨrɨp'eparí paside Jesupa ichi t'ɨ̃sima (9:9-13). Waapẽarãmá Mateopa Marco k'art'a jitak'ari ichia pida ichidí bɨsima judiorã pae pia k'awadamẽrá Jesú ãchi minachia k'awa bɨpɨ mãɨnepa Tachi Ak'õrepa Tachi K'aripaparí teai jaradapɨ.a
Naa bɨsima Jesucristo Abrahanepa chedada k'orea, Davidepa chedada k'orea (1:1-18), Jesú t'õna k'orea (1:19—2:23), Juanpa Jesú porochoada k'orea (3:1-17), ichiaba Tiorepa Jesua nemietá mĩesa oopiyá bada k'orea (4:1-11).
Mãɨ ɨ̃ari bɨ bɨma Jesupa Galilea senia k'ait'a ooda k'orea (4:12—14:12). Mãma bɨ bɨma ichia eyade jarateada (5:1—7:29), ichia ẽpẽrarãpa ne p'ue oodak'apɨ́ ook'oada (8:1—9:38), ichia jɨrɨ atadaɨrã doce peeda (10:1-42), ichiaba nepɨra bɨdepa jarateada (11:1—14:12).
Mãɨ ɨ̃ari bɨ bɨma Jesú Galilea tuade ãarea t'ɨmɨa p'ɨrrɨa jaratea bada k'orea (14:13—17:22) mãɨnepa Galileadepa Jerusalenea wãrune jaratea bada k'orea (17:22—20:34).
Mãɨ k'aadea bɨ bɨma Jesú Jerusalene baeda k'orea (21:1—28:20). Eda bɨ bɨma Jesupa saduceorã, p'ariseorã mãɨnepa waapẽarã ɨtɨada (capítulo 21—23), Tachi Ak'õrepa ɨtɨai k'orea (capítulo 24—25), Jesú k'urusude piuk'ari chok'ae p'irabarida (26:1—28:15) mãɨnepa ichide ĩjãa be p'uuru becha peeda (28:16-20).