Themgao Akeuchanga Umpa-a Kon Melchihna
20
1 Tartan Ashdod na ahunga (Assyria lengpa Sargon in asol lai) Ashdod asatna alah kumchun;2 Hichephat mama chun Pakaiyin Amoz chapa Isaiah hengah aseijin, chenlang nataija khaopon chu sutlhan lang, nakeng phanga konin nakengkoh sutlhan, ati. Chuin aman chutichun abolin, asagoh-in akeng keuvin lam ajottai.
3 Chutin Pakaiyin, kasoh Isaiah Egypt le Ethiopia te chunga melchihna le thilkidang dinga kumthum sunga sagohle akeng keuva aumbangchun;
4 chutia chu Assyria lengpan Egypt te sohchang dinga, Ethiopia gal hing ding, khangdong laile tehse cheng, sagohkeu le kengkeuva Egypt mite jachatsah dinga akhelbuhgei san uva kihohdoh-a, apuimang ding ahi, tin aseije.
5 Chule amaho akinepnao Ehtiopia le aloupinao Egypt jala kichaova jahchadiu ahi.
6 Chule hiche twikol gama umho hin hicheni chule, vetaovin ikinepnao chutichu ahi, Assyria lengpa-a kona ikihuhdoh nadiuva kithopina hola hoilama ijamdiu hija, iti ihoidoh diuham? atidiu ahi.