Pathen Gingho Phattheinan Ajui
Kaisang chehcheh ding la
128
1 Pakai ging jouse leh alampiho-a chonchan chu anunnom ahi.2 Ajehchu nakhutna natohgim ga naneh ding;
nangman nomsan natin, chule hichu nang dinga phading ahi.
3 Na inneipi chu na-in vella lengpigui ga phatah bangintin;
nachate chu nadokhang kimvela Olive phung tobang hidiu ahi.
4 Vetan, chutia Pakai ginga mi chu phatthei chang ding ahi.
5 Pakaiyin Zion'a konin phatthei naboh intin;
chule nahin laise-a Jerusalem phatna chu namu ding ahi.
6 Henge, nachateo chatele Israelte chunga chamna chu namu ding ahi.