Pakai toh Tohkhom leh Khantoukhom
Solomon Lasem. Kaisang chehcheh ding la
127
1 In sa-a Pakai apanlouleh, asaho tohgimna chu moh ahin;Khopi ngah-a Pakai apanlou leh, angahpa janha chu moh ahibouve.
2 Matah-a natho-a, jan sottah natouva, lungkhamna changlhah neh chu,
nangdinga pannabei ahi:
ajehchu aman angailut chu a-imutsah jin ahi.
3 Veovin chatehi Pakaiya kon gouchan ahin,
chule laigilga jonghi akipaman thilpeh ahi.
4 Khangdon laija chate hi,
Galhatpa khutna thalchang ho tobang ahi.
5 Alivathei dimsetna hicheho neija mi chu anunnom ahi;
amaho jahcha loudiu,
ahivanga amelmateu toh kotpi phunga kihoujo diu ahi.