Nɑummu
Di mpɑ́tíri tɔ tìì nɑ́ɑǹtì
Nɑummu kó dipɑ́tíri tú fɛyɛ̀nfɛ̀ nfɛ Ninifu dihɛidiɛ̀ kó mupɔ̀mmù kpɛ́í. Kɛ bɛnkú Kuyie nkuù kpeńnìmɛ̀ kɛ̀ kuù bɑkɛ́ kù dɔ̀ɔ̀ dɛ̀ dɛmɔu Ninifu ɛì kɔbɛ do dokùnɛ̀mu Isidɑyɛɛribɛ kɛ̀ dɛ̀ yóù mɛdiɛ̀ nnɛ̀ dimɔ̀nnì, kɛ̀ Nɑummu nnɑ́ɑ́ nkɛ tú Kuyie nyóó pɔntɛmu Ninifu dihɛiyonkuri, dihɛiyɛiri kɛ́dɛɛtɛ́ Sudɑɑ kɔbɛ. Kòo nɑ́kɛ́ kɛ dɔ̀: Dɛ kó dihɛì kó mupɔ̀mmù yó ntú Kuyie nkó tiyɛ̃ĩti nti, bɛ kó tidɔnnitì kpɛ́í.
1. Kuyie nyóó bekɛ́nɛ̀mɛ̀ Ninifu ɛì 1:1-8
2. Kuyie nyóó potɛ́mɛ̀ ku dootitɔbɛ̀ 1:9-14
3. Kuyie nnɑ̀kɛ́mɛ̀ Ninifu ɛì kó mupɔ̀mmù duunnímɛ̀ 2:1-14
4. Mùù te kɛ̀ Kuyie nyóó pɔntɛ Ninifu 3:1-19