Misee
Di mpɑ́tíri tɔ tìì nɑ́ɑǹtì
Kuyie mpɑ̃ɑ̃nɑ́ɑǹtì nɑ́ɑǹtò Misee nɛ̀ Esɑii bɛ mɔ̀nnì dimɑ́ɑ̀ ndi. Kòò múnkɛ nɑ́ɑ́nnɛ̀ Sudɑɑ kó dikpɑ̀ɑ̀tìyuu kɔbɛ Esɑii do nɑ́ɑ́nnɛ̀ bɛ̀. Dɛ̀ do sɔ̃́ nhAsidii kó bɛhɑ̃ɑ̃pɔ̀mbɛ̀ bɛɛ̀ bɛ̀ fɛ̃́ũnko.
Kɛ̀ Misee bɛ̀ nɑ̀kɛ́ kɛ tú tìì tùɔ̀kɛní Sɑmmɑrii kɔbɛ tiì yóó bɛ̀ tùɔ̀kɛní, kɛ yɛ̃́ bɛ yɛi mmɛmɑ́ɑ̀ ndi, mɛ̀ɛ̀ tu bɛ̀ fɛ̃́ũnkomɛ̀ bɛtɔbɛ̀. Kòo múnkɛɛ kpɑ̀nnɛ̀ Kuyie mpɑ̃ɑ̃nɑ́ɑǹtì nɑ́ɑm̀bɛ̀ bɛ̀ɛ̀ soú mbɛnìtìbɛ̀, Misee do nɑ́ɑ́nnɛ̀ bɛ̀ kɛ́ndɔ́ bɛ̀ɛ totí bɛ yɛ̀mmɛ̀ kɛ́tɑ̃ɑ̃tɛ́ tìì dò mbɛ̀ɛ tì tɑ̃ɑ̃tɛ́. Ò do bɛ̀ cɑummu kɛ́wɛ̃tɛ kɛ́ mbɛ̀ nɑ̀ɑ́ nKuyie nyóó dɔɔ̀ dɛ̀ yɛwe yɛ̀ɛ̀ kpɑɑní yɛ miɛkɛ kɛ́dɛɛtɛ́ ku nìtìbɛ̀.
1. Kuyie mbeéntì dotimɛ̀ Isidɑyɛɛri kó dikpɑ̀ɑ̀tìyuu nɛ̀ Sudɑɑ kɔbɛ kpɛri 1:1-3:12
2. Kuyie nyóó wɛ̃tɛ kɛ́tɛ̃́nnɛ́nímɛ̀ Isidɑyɛɛribɛ bɛ tenkɛ̀, kɛ̀ bɛ̀ɛ di diwɛ̀ì 4:1-5:15
3. Misee bɑ̀ńtɛ̀mɛ̀ Kuyie nkɛ̀ kù dɔ̀ kù yóó bɛ̀ kuɔ́ mmɛsémmɛ̀ 6:1-7:20