2 Yohanes
Surat Yohanes
ta kedua né
Kitabé njé ni fénfané
Kyat ta nlefo kitabé njé: Kitabé 2 Yohanesé njé, surat isó ta Yohanesé nlefo. Masike Yohanesé nlefo ni ngósno né po kitab ta njéi ni pa, mayta ta po i ni re ni kitabé lo né, reni félé ta rfamgo, ta dolo faje: rfamasié isó re isó (1Yohanes 2:7-12; 2Yohanes 5-6), re wlori be pusó re kyaté-kyat ta rfané rfalélólé kyaté bo rpe sélsólé né (1Yohanes 4:1-6; 2Yohanes 7-11). Yohanesé njé isó po Yesusé ni motemote nesté ni (Yohanesé 13:23, 19:26, 20:2, 21:2-7, 21:20-24; 1Yohanes ni fténo isó nóté ngósno Yakobusé. Si dórén luwé né, Zebedeusé ni ntu si, re Yesusé ni
Kitabé njé nlefo po pai ni: Yohanesé ni Buké njé, surat ta nuén luwé Yohanesé nlefo. Nlefo suraté njé, ni ngale né “mépin ta Jou Lahatala npili i se ndéréré I njé,” re “mépin ta njé ni ntu nesté.” (2 Yoh. 1). Kyat ta runé fié ta rlefo po Jou ni Buké wlólo né récegé faje, “mépin” ta njéi, Yohanesé ni ngale né kyat tut ta rdélé Jou Yesusé né, re yomya nesté, Yohanesé ni ngale né kyaté-kyat ta rdélé Jou Yesus po férimé jemaat ta po bótén Asia Myaku ta nete i po bótén Turkia. Se Yohanesé nlefo suraté njé po kyaté-kyat ta rdélé Jou Yesusé
2 Yohanesé ni dodoto né: Yohanesé ni maksuté né, nfakwaté kyaté-kyat ta rdélé Yesusé né bo rfamasié isó re isó (2Yoh. 6), bóngo nané si bo rpe si fafié, sababta po kyaté-kyat ta rfasodoto né, récegé cogo Yesus Kristusé njé nuéncó pafule bo ndadi kyat i. Iga reni kyat ta réceg fajé, kyat ta njéi nfalélólé keé Yesus Kristusé, bóngo ma wlori si na bo rtolén po nimi umé lo né. (Yohanes ni méitén esó nóté ni ngale né, “Kyat ta rdélé Yesus Kristusé né, Jou ni dodoto né reni ngale gélesó pa.”)