2 Tesalonika
Surat ta kedua ta Paulusé
nfanaté po jemaat Tesalonika
Kitab ta njéi ni méiténé
Kyat ta nlefo kitabé njé: Kitab 2 Tesalonika njé, surat isó ta Paulusé nlefo. Kyat ta faiwóbno réfétén Habar ta Fié lima Yesus Kristus ni po kota Tesalonika né, Paulusé, Timotiusé re Silasé (Kis. 17:1-4). Kyat sételé nesté si ta rfawoslé jemaat ta faiwóbno po kota Tesalonika né. Féngóto nóté faftóté ta po “Paulusé” ni po kamusé lo né.
Kitab ta njé i po pai ni: 2 Tesalonika né, surat nuén luwé ta Paulusé nlefo po jemaat ta po kota Tesalonika né. Kota Tesalonika njé, tatubé lima kota ta ni pelabuhané né ta délé npélóy po bótén Makedonia né. Tesalonika njé kota isó ta npélóy pocé, sababta ni yabé né nfalwagé re n'goné, bóngo ndadi pusat tentara po pemerenta Roma ta rkawasa po waktu ta néi. Kyaté-kyat ta po kota ta njéi né, reni ta rdéréré agama Yahudi, mayta ta féléo i né, kyat ta agama Yahudi si pa né, wlori ncuka rcuba riri patongé né.
Kitabé njé ni dodoto né tadolo faje: Kyat ta rdélé Jou pa né rfakangelang kyat ta rdélé Jou né. Pocé Paulusé nané si bo rdélé Jou ta fatuw-fatuwé, ma rdélé Jou su na. Ta rdélé Jou pa né, rfakangelang si le. Ta rdélé Jou pa né, Paulusé nécegé si faje, “Yesusé Kristusé bo nwómé nmulé. Mayta nihalé re mnuw pana Jou bo nwómé nmulé.” Pocé Paulusé nlefo suraté njé né bo n'gali kyat ta rdélé Jou né, bo runé ta Jou bo nwómé