Titu i

Wema xena Pɔlu wlan ɖodan

Titu

Oxotaɖiɖe

Ɛmɛ dindɔn Pɔlu wɛ wlan wema xe sɔ ɖodan Titu. Titu nyi Mawu we odanwatɔ ɖokpo xeni wa odan le toxo susu xeye mɛ na Pɔlu dɔn-ɛ ɖodan ye (2 Kɔlɛn 8:23; Gal 2:1-3). Le wema xe mɛ, Pɔlu lɔ oxo do ɛmɛ xeye ni na kpewu nyi agunmɛhyɔnye kpodo odan xeye na ye ɖo na wasi ye wu, bo mɔ lɔ oxo do odan xeye na agunkplɔtɔ ɖo na wa ye kpodo ninɔmɛ adodwe xeye na ye ɖo na kpɔn le agunkplɔtɔ we ɛgbɛ kpodo xwedo mɛ ye wu, e bo mɔ do akpakpa lanmɛ na xɔsetɔye na ye a do zan xɔse we ɛgbɛ xeni jɛ, ye ba nɔ ɖe sɔ xlɛ le ŋumɛ na ɛmɛye.

Lena wema la ma ɖo xɛn:

1:1-4. Pɔlu ɖe eɖe sɔ xlɛ bo do ogbe ɖodan Titu.

1:5-16. E lɔ oxo do onu xeye na Titu na jlaɖo le Klɛti we agun mɛ ye wu, kpodo walɔ xena e na zan do kpan ŋukɔn ɛmɛ xeye ni nɔ lɔ oxo do ɛmɛ wu nɔ ye.

2:1-3:11. E lɔ onu nywɛ xena ɛmɛ ɖokpo-ɖokpo ɖo na wasi kpodo onu xeni nyi dodwe na okplan xena e lo na nɔ.

3:12-15. E do ogbe na ɛmɛye.