JISU KRISTO TUNGKO LAENYENG RUENYENGRO
Joy in God’s House
1. Jisu kristo tungko laenyeng ruenyengro;
Go horiu tungrëka ari-abiya,
Lago dëükei rang baikëda
Gërei, rikei, Jisu madae luitka;
Go rang, Jisu, madae luitrue ro,
Jisu akung go laenyeng tungrëka;
Dëükei rang go kong bai muaing kësait,
Halleluya kein go madaeko;
Sit pojue rang Jisu tungrue
2. Jisu kristo tungko hirae bakuittë;
Mijüngbo rae kaitrue lukje mijüngba,
La naa Jisu hak bakuitkë?
Naa ta, igo bae mëram bouje,
Naa ta, lëruak, mëhla cikiakdaro;
Mëhla naa baeri bii mëlüng rang,
Cikiak daro kein naa rei hirae;
Aya-ayapa segeng gengna hüng,
Naa rei asük rang rongriu tëbo
3. Mëhla pëkiya sitbo bii rang jei muabo;
Mëhla cijadaro naa ta lëruak rang,
Naa horiu Jisu hak bakuitkë;
Naa rang, Jisu, huida kong cuangkong,
Kuitbo go dou go horiu riüngsa;
Rik puangbo horiu Jisu hui baena,
Barong müng naa rei rungtërbo raë;
Kaitce kaitbo naa cafrue kuitduitbo,
Jisu hui jada wae cukkong
4. Jisu mijüng sitbo bii rang jeimuabo;
Wae rei Jisu kungce rikei laenyeng rë,
Luitda dëükei rang grei baisa;
Jeibo, tangda, dëükei dëü sitsa,
Rongbo luit rang hibo luitnyeng luitda;
Haleluya je gerei laenyengko,
Gëmtüng kungce go madae luitre;
Kong Jisu grang nüngkein tungruero,
Haleluya cuang haleluya.