Abek go Pübo apua rang luknyiangta pakda, go rang hüng mëkait hüng rang jeider rou pesait tangda. Dëü 2001 la Puroik Baptist Filosip je pëüpuang jap 600 këtë abekjapa Puroik ta madae luitnyeng rang. Je akungla Puroik sükpa madae luitmua pota alakdaku, keindurua Puroik Baptist Mission ta ijukutib Komitii je go rang harakpa Puroik madae rang asak asükta atokbo asükpadüng fekpuang rei mëkein tangna, keinderua dëü 2011 la Puroik Kristan Madae rang Living Words Communicator jaap 500 kaitnyo puang rei tüngkua bareice. Jekung madae jaap pam alakda la gerei IEM rang luitrue hedëü madae jaap 250 kaitpuangrei mëkein nuana. Madae jap hüngje Nyishi Kristan Bemin, Sekerek & Solos Song la asak ta fekpuang la harak madae hüngje atokbo Puroik mijüngbo adua sük tadüng fekpuang.

Atar hëna, go pakda IEM rang hüng projek kaitpuang pësaitpa alëi etrë reida la hërak pakda gërei ta aka lain Rev. Kingkong Painchey, wae go ta ministry rang midük rërue mëyiik yiikrue kaitkorëda, keinata hüng je, to kiakpa jëtë jakpa kaitpuangda.

Ayëibo SITBO ATOK apua, hüng Madae jaap rang poribo mëlüng rang ake tangdana. AMEN