Lɔga Chirbhiseo ꞉Tumu Zuga Nɛnɛwe
4
1 Na hunaa Tumu zugo ngani ngadhitoye,
nɔ Yonas hini te chinyi na munyuwu gore.
2 Na aliɛ ko Tumu na sɛɛsɛ,
"Komoruye,
hunaa bare kihi ɔrɔ lɔga bare kɛsɛdhi ngaanno ngalɔkta rɛ?
Kagainydɔ hunde hinisa nunu a bu na ani challi na chirbhisi zugo kali kali na guyi lɔgɔ na zugo shaw ngadhiyoye.
Na bhɛa bare kojorɛy lɔga gunyu na kengesɛy Tersesegiye anggiya rɛ.
3 Na mɛya Komoruye,
any kère.
Ko bhee kihɛ baseyɔ hunde kère,
a challi."
4 Na nɔ Tumu sɛɛsɛ,
"Seni dɛbɛ ore gore ngangaye?"
5 Na nɔ Yonas bana na ogu ɔr dheyɔ gɔre yalunyde na dhagu gaha kete riy na tɛu bay.
Se kɔgɔny lɔkte ale dokonɛ zuga Nɛnɛweye.
6 Na koo Komoru Tumu mesɛsɛ kɛya hɛta ko kugumi na chilu shaw shaw na kulubɛ su.
Se kɛtɛ bhɛa bo lalna.
Na hunaa kèmesɛsɛna ngangaye,
sini te hɔli.
7 Na nɔ bheleyɔ Tumu kuyɛy kuruyoy kona na usu kugumi bhɛa ku morog na dhɔrɔgu kag.
8 Na hunaa su ujonoye,
kuyɛy yelegoya bo awureno yalɔ.
Na Yonas dhagu susɔ ko bhee rɛ anɛ dildiliye.
Na tɛhɛnu rɛsɛ na seu,
"Ko bhee kihɛ baseyɔ hunde kère,
a challi."
9 Na Tumu sɛɛsɛ,
"Inye bhee dɛmnɛ ngakugumita ninggɛ."
Na nɔ Yonas sɛɛsɛ,
"Anye maya kɛdɛmni ko bhee jagarɛ kɛrɛsɛ."