2
Mbe,
mutighe obhoghogho bhonswe igho,
seteemo syonswe igho isya okongʼaina abhantö,
ubhwiköri,
na rikenge,
kora motakaaghambanga bhoghogho abhantö.
2-3 Bhoono momarrë okomanya igha Omonene Yëësu Kiristo,
n-wa heene.
a Mbe,
mwighombenga amabheere amaiya agha öbhöhörëëru,
kya bhono ebhengʼerre bhikutuna amabheere agha bhanyakuwaabho,
na bhëënyu bhonswe ighoigho,
okore mobhe na singuru,
monaghe kora mohone.
Abhaahorwa abha Waryobha
4 Yëësu we reghena rihöru irya okohaghaashera.
Reghena riyö,
ndyo abhantö bhaangirë,
kasi Waryobha akarishaaghora,
kora ndeena ubhwera obhonene ku-Waryobha.
Mbe,
musuntarre Yëësu.
5 Momanye igha,
bhëënyu bhonswe n-kya amaghena amahöru mörë,
mwahaghaashwa mobhe inyumba ëhörëëru.
Ghwiki nkobhakora arë mobhe abhasëngëri bhano bhaahööywë okokora ibhimwenso ëbhëhörëëru,
bheno bhikushomera Waryobha okohetera ku-Yëësu Kiristo.
6 Ko bhoora Amaandeko Amahörëëru gharaghamba igha,
“Motamaaha umughi ughwa Sayuuni,
b ndatoora-mo reghena irya mo-koona iya umusingi,
ghwiki ndyo reghena irya ubhwera obhonene reno naashaaghora.
Na ömöntö wowonswe ono araakumi uyö igha we reghena riyö,
tarësökërribhwa hë!”c
7 Yëësu Kiristo naana ubhwera obhonene kö-bhëënyu bhano mukumukumya.
Kasi,
ko bhano bhatakumukumya,
Amaandeko Amahörëëru gharaghamba igha,
“Reghena reno abhahaghaashi bhaangirë,
ndyo rebhaayë reghena rinene irya ko-koona iya umusingi ughwa inyumba.”d
8 Ghwiki,
nkoghamba gharë igha,
“Reghena riyö,
ndyo irya ukwituuratuura-ko,
ni-ritare irya ukughwësya abhantö.”
e
Abhantö bharaituuratuura-ko,
ko bhoora bhatakukumya engʼana iya Waryobha. Kiyö nkyo bhaasëëmëribhwa ukurwa kare.
9 Kasi bhëënyu no-roghanda urwahorwa mörë,
abhasëngëri abha Obhokama,
rikomo irya abhahörëëru,
abhantö abha Waryobha umwene,
okore moraarekenga amangʼana amarito agha Waryobha.
We yaabhabhërëkëëyë murwe mu-kisuntë,
mosohe mo-bhorabhu ubhwaye obhonene bhono bhököröghöörya.f
10 Kare hayö,
te-bhantö abha Waryobha mwaarë hë,
kasi bhoono,
m-bantö abhaaye mörë.
Kora temwabherwanga na Waryobha hë,
kasi bhoono,
abhabhëëyë.g
Eteemo iya abhantö abha Waryobha
11 Abhaghonshe abhaane,
bhëënyu m-baghëni bhahëti mörë ko-kebhara kono.
Ku bhuyö,
ndabhasaasaama igha,
motakaikërrya okobhaahwa na oronamba oroghogho urwa ëmëbhërë ighyënyu.
Oronamba oroghogho ruyö,
nkurutana rörë na bhëënyu,
okore robhabhaahe.
12 Mobhe na eteemo inshiiya mo-bhantö bhano bhatamanyirë Waryobha,
okore hano bhareghambanga igha m-baghogho mörë,
bhamaahe amangʼana aghëënyu amaiya ghano mokokora.
Bhoono hayö,
ho bharëtöönia Waryobha ko okoghera iya bhëënyu,
urusikö rono ariisha.
13 Mosookenga abhatöngi,
ko okoghera iya okosooka Omonene.
Mosooke omokama uwa ikyaro ikyënyu,
ko bhoora uyö we omotangati omonene.
14 Ghwiki ni-igha mosooke abhatangati abha mekowa,
ko bhoora omotangati omonene uyö,
we yaabhashaaghora.
Yaabhashaaghora,
okore bhashibhinga abhantö bhano bhakokora amangʼana amaghogho,
na ukukumya bhano bhakokora amangʼana amaiya.
15 Keno Waryobha akutuna ni-igha,
mokore amangʼana amaiya,
okore murimi amangʼana agha obhokangi ghano abhantö bhakoghamba.
16 Momenye këtöönööni,
kasi öbhötöönööni bhuyö,
bhotakaaghera mokore amangʼana amaghogho.
Momenye öbhömënyi bhono bhukwörökya abhantö igha,
m-baköri abha emeremo abha Waryobha mörë.
17 Mosooke abhantö bhonswe igho,
na mohanshe abhakumya bharikyënyu.
Mwighwere Waryobha,
na mosooke omokama uwëënyu.
Amaraghërryö ko-bhaghorwa
18 Bhëënyu abhaghorwa,
mosookenga bhököngʼu abhanene abhëënyu,
motakaasooka abhahaabhu na abha heene abheene igho hë,
kasi mosookenga kora na abhanene bhëënyu abharörö bhonswe.
19 Möghömërri inyaanyi eno mukunyoora bhosa igho motasarri engʼana.
Ghayö nkobhanyoora gharë,
ko okoghera iya okosooka Waryobha.
Hano moraakore igho,
Waryobha naraabhangʼoore.
20 Hano moraaghömërri inyaanyi eno mwingʼarëëyi,
ko okoghera iya okokora amangʼana amaghogho,
hayö tëmötëghëri Waryobha hë.
Kasi hano moraaghömërri inyaanyi ko okoghera iya okokora amangʼana amaiya,
hayö ho moraatëghëri Waryobha.
21 Ni-igha möghömërri,
ko bhoora Yëësu Kiristo umwene yaatësëkirë ko okoghera iya bhëënyu.
Ko okokora ghayö,
akabhateghera ëkërëngyö,
okore mweghenga okokora kya igho.
22 Tiyaakörrë ëkëbhë kyokyonswe igho,
handë okoghamba obhorongo bhwobhwonswe bhoora hë.h
23 Hano yaatökirwë,
tiyaatökirë hë.
Hano yaatëësirwë,
tiyöbhöhërrëëyi hë.
Kasi ghonswe igho,
akateghera Waryobha abhotore ikiina bhwaheene.
24 Yëësu yaaghëghirë ëbhëbhë ibhyëtö kö-möbhërë ughwaye,
kora akahanekwa ko-mosarabha.
Yaakörrë igho,
okore ëbhëbhë bhetakaatobhaaha ghwiki,
okore tobhe na öbhömënyi bhono bhökötëghërya Waryobha.
Bhëëtö twaahona ko okohetera okotemwa ukwaye.
25 Mwaarenga kya amangʼöndi ghano ghasirrë,
kasi bhoono,
mwakyörrë ko-mokaraabhërri uwëënyu na we omonaghya uwëënyu.