Yesu, wuu sáragawwuɲuŋufembwɔhe
8
Ɲyɛ wuu jwumpe ɲùmbwɔhe ku ɲyɛ:
sáragawwuɲuŋufembwɔhɔ na ɲyɛ wuu á bà wuu à yi jwo mɛ.
U à sà ntɛ̀ɛn nìɲyiŋi i fànhe cyage e,
Kile Siŋi Punifoo kàniŋɛ cyɛge na.
2 Sèe cyage e u ɲyɛ na báaraŋi pyi ke,
kuru ku ɲyɛ Kile vàanŋke bage sèe woge,
sùpya cye kurugo bà kʼà faanra mɛ,
Kile yabiliŋi cyɛge kʼà ku faanra.
3 Sáragawwuubii ɲùŋufembwoyi punʼà tìŋɛ,
yi raa ŋkanŋi pyi Kile á sʼa sárayi pyi yʼa nɔni Kile na.
Lire pyiŋkanni na,
wuu sáragawwuɲuŋufembwɔhe mú à yaa kʼa yaaga kaan Kile á.
4 Kàmpyi u mpyi ɲìŋke na,
u bá mpyi na sì n‑pyi sáragawwu mɛ,
ɲaha kurugo yɛ sáragawwuubii pìi na ɲyɛ naha mpiimu pi ɲyɛ na yakanyi kaan mà tàanna ná Musa Saliyaŋi i ke.
5 Pire sáragawwuubii na báare cyage ŋkemu i ke,
kuru na ɲyɛ mu à jwo nìɲyiŋi woge nàɲjaŋi.
Tèni i Musa mpyi a bégele sʼa Kile vàanŋke bage yyéeŋi ke,
Kile à yi jwo u á:
«Lógʼa ɲwɔ,
yaayi mii à cyêe mu na ɲaŋke ɲuŋʼi ke,
maye waha ma a yire ɲcamii yaaa
6 Ɲyɛ numɛ,
Yesu Kirisita u ɲyɛ wuu sáragawwuɲuŋufembwɔhe ke,
báaraŋi Kile à kan urʼá ke,
urʼà fànha tò pire wuŋi na,
ɲaha na yɛ tunmbyaare u à le wuu ná Kile shwɔhɔlʼe ke,
tirʼà fànha tò niɲjyɛɛre na.
Yaayi ɲwɔmyahigii Kile à lwɔ́ numɛ ke,
yire mú à fànha tò tèecyiini wuyi na.
7 Kàmpyi tunmbyaare niɲcyiireb mpyi na sí n‑jà Kile ɲyii wuuni fûnŋɔ,
ɲùŋɔ sàha mpyi na sí n‑pyi,
mà shɔnworo tɛ̀gʼa ti fáa mɛ.
8 Ŋka Kile à u shiinbii cɛ̂ɛgɛ maa jwo:
«Mii Kafooŋi Kile à jwo,
“Canŋa na ma,
mii sí n‑pa tunmbyara nivɔnnɔ le
Izirayɛli shiinbii ná Zhuda shiinbilʼe.
9 Canŋke mii à pi tulyeyi cû pi cyeyi na,
mà fworo Misira kìni i ke,
tunmbyaare mii à le ná pi e ke,
ti sì n‑pyi tire fiige mɛ,
ɲaha na yɛ pi à tire kɛ̀ɛge.
Lire na,
mii à pi yaha wani.”
Mii Kafooŋi Kile à jwo amuni.
10 “Ɲyɛ cyire canmpyaagilʼà tòro ke,
tunmbyaare mii sí n‑le ná Izirayɛli shiinbilʼe ke,
tire ti nte:
Mii sí na Saliyaŋi le pi yákilibilʼe,
si u jwumpe sémɛ pi zòompii na.
Mii sí n‑pyi pi Kileŋi,
pi sí n‑pyi mii shiinbii.
11 Wà saha sì u shinɲɛɛ,
lire ɲyɛ mɛ u cìnmpworo pyi
‘Maye waha ma a Kafooŋi cèʼmɛ,
ɲaha na yɛ pi puni sí mii cè,
shinbwo bâra shinbilere na.
12 Mii sí toro taha pi ntiimbaaŋi na,
mii sí pi kapegigii yàfa pi nac.”»
13 Kile à tunmbyara nivɔnnɔ kyaa jwo,
puru funŋke e,
niɲjyɛɛre kakwoo saha ɲyɛ mɛ,
fànha saha ɲyɛ tʼe mɛ,
ɲcyɛ̀rɛ ti sí n‑pînni.