Lɛtɛrɛŋi u à tun Eburu shiinbilʼá ke
Kile à jwo ná wuu e u Jyaŋi cye kurugo
1
Tèecyiini i,
Kile à jwo ná wuu tulyeyi i tooyo niɲyahaya ná pyiŋkannigii niɲyahagii na u tùnntunmpii cye kurugo.
2 Ŋka ɲcyii tèrigii nizanŋkilʼe,
u à jwo ná wuu e u Jyaŋi cye kurugo,
u à uru ŋgemu tìŋɛ mà pyi yaayi punifoo ke,
uru cye kurugo Kile à yaayi puni dá.
3 Uru u ɲyɛ Kile sìnampe bɛ̀ɛnmpe ná Kile nàɲjaŋi yabiliŋi.
U jwumpe fànhe ɲyahaŋi cye kurugo,
diɲyɛŋi yaayi punʼà yiye cû.
Sùpyire kapegigii yàfaŋi kàntugo,
u à kàrʼa sà ntɛ̀ɛn nìɲyiŋi i Kile Siŋi Punifoo kàniŋɛ cyɛge na.
Yesu Kirisita à fànha tò mɛ̀lɛkɛɛbii na
4 Mɛge u à ta Kile á ke,
bà kurʼà fànha tò mɛ̀lɛkɛɛbii woge na mɛ,
amuni u tayyéregʼà pêe mɛ̀lɛkɛɛbii woge na.
5 Kile à têlʼa jwo u mɛ̀lɛkɛŋi ŋgirʼá na:
«Mu u ɲyɛ mii Jyaŋi,
niɲjaa mii à pyi mu Tuŋia» yɛ?
U mú ɲyɛ a têlʼa jwo mɛ̀lɛkɛŋi wà tufiige kyaa na:
«Mii sí n‑pyi u Tuŋi,
u sí n‑pyi mii Jyaŋib» mɛ.
6 Ŋka u Jyaŋi u ɲyɛ yaayi puni ɲùŋɔ na ke,
tèni i u sí núru uru tun diɲyɛŋi i ke,
u sí n‑jwoc:
«Kile mɛ̀lɛkɛɛbii,
yii puni pi a u pêred.»
7 Ɲje yʼà jwo mɛ̀lɛkɛɛbii kyaa na Kile Jwumpe Semɛŋi i ke,
yire yi ɲyɛ:
«Kile à u mɛ̀lɛkɛɛbii pyi kafɛɛgɛ,
maa u báarapyiibii pyi na bɛ̀ɛnmɛe.»
8 Ŋka Kile à yi jwo u Jyaŋi á:
«Mu u ɲyɛ Kile,
mu sí n‑kwôro ɲùŋufente e tèrigii puni i.
Mpii ɲùŋɔ na mu ɲyɛ ke,
mu à tíi pirʼá.
9 Ntìiŋi karigii cyi à táan mu á,
ntiimbaaŋi karigii ɲyɛ a sàa táan mu á mɛ.
Lire kurugo,
e Kile!
Mu u Kileŋi à mu cwɔɔnrɔ,
maa mu pêe mà tòro mu fyèɲwɔhɔshiinbii taan,
maa funntange sùguro mu ɲuŋʼi nùguntan sìnmɛ fiigef.»
10 Maa núrʼà jwo:
«Kafooŋi,
mà lwɔ́ fo tasiige e,
mu u à ɲìŋke dá,
mu cyɛge kʼà nìɲyiŋi yaa.
11 Yire puni sí n‑pa n‑pînni,
ŋka mu wi ke,
mu sí n‑kwôro fo tèekwombaa.
Yi puni sí n‑pa lyɛ bà vàanŋa maha lyɛ mɛ.
12 Mu sí yi kûru bà sùpya maha vàanŋa kûru mɛ,
yi sí n‑pa fáa bà sùpya maha u vàanndeŋɛ fáa mɛ.
Ŋka mu wi ke,
mu sí n‑kwôro ma lyempe e,
mu canmpyaagii sì n‑kwɔ̀ mɛg.»
13 Mɛ̀lɛkɛŋi ŋgi Kile à têlʼa pyi:
«Ta ma a pa ntɛ̀ɛn na kàniŋɛ cyɛge na,
fo mii aha mu zàmpɛɛnbii pyi mu tooyi tatahageh» yɛ?
14 Mɛ̀lɛkɛɛbii ɲyɛ ɲaha shi yɛ?
Múnaa yaaya kanna yi ɲyɛ yi yi Kile báaraŋi laage e.
Nùmpanŋkʼà bégelʼa yaha mpiimu mɛɛ na ke,
Kile à pi tun pi i mpa pire tɛ̀gɛ.