121
Kalangan 121
1 Pahangad aku angꞌndaꞌ tudju ni kabūran.
Minningga aku makabāk tabang?
2 Tinabang aku heꞌ si Yawe,
ya bay amapanjari langit maka dunya.
3 Mbal pasagaranna tapeꞌnu parasdas ma lān.
Mbal tatuli ya anganjagahan kaꞌa.
4 Mbal talilap ya anungguꞌan bangsa Israꞌil,
tantu iya mbal tatuli.
5 Si Yawe ya anganjagahan kaꞌa,
pasindungannu si Yawe pataptap ma bihingnu kowan.
6 Mbal ka kinapiyalu bang llaw,
mbal ka taluwaꞌ bulan bang sangom.
7 PANGHŪꞌ-Yawe ya angahampanan kaꞌa boꞌ mbal taꞌabut laꞌat.
PANGHŪꞌ ya ameyanan kallum-nyawanu.
8 PANGHŪꞌ ya anganjagahan kaꞌa ma katulaknu maka ma kapoleꞌnu,
min llaw itu sampay ni kasaumulan.