93
Kalangan 93
1 Si Yawe ya magsultan ma kamemon,
pagmahaldikaꞌan sultan mahatinggi ya pamakayna.
Gaꞌosan sultan iya pakambot hawakanna.
Magsinꞌmmek iya kamahaltabatan.
Ahogot papagan dunya itu, mbal tajudjal.
2 Ya Tuhan, ahogot kapagsultannu, sangay min awal tagnaꞌ.
Kaꞌasalnu dahū giꞌ min kapamapanjari dunya.
3 O Yawe, angꞌllub saga sꞌllang,
angabal tahik, alandos pangabalna,
angalagublub kalumbagan tahik.
4 Landuꞌ aheya pangulattub goyak,
aheya isab pangꞌllub goyak pasampoyak.
Saguwāꞌ labi lagiꞌ aheya gaꞌosan si Yawe,
ya katapusan alanga.
5 Atantu pangahatulnu, mbal magpinda-pinda.
Alingkat lumaꞌnu eꞌ kasussina.
Alingkat ni kasaumulan, O PANGHŪꞌ.