63
Kalangan 63
Kalangan si Daꞌud
1 O Tuhan, kaꞌa ya Tuhanku,
landuꞌ aku angentom ma kaꞌa.
Bang aku alawak min haddaratnu,
ya sapantunna lahat paslangan halam aniyaꞌ boheꞌna.
Patay boheꞌ palnyawahanku, apanggang baranku
ma sabab katuyuꞌku ma kaꞌa.
2 Bay ka taꞌndaꞌku ma deyom Lumaꞌ Pangarapan kaꞌa,
bay taꞌndaꞌku kawasanu maka sahayanu.
3 Ahalgaꞌ lasanu, labi ahalgaꞌ min kallumku,
angkan ka sanglitanku luwas min kꞌllongku.
4 Pudjiku ka satꞌggolku allum.
Anangga aku hinabuku anabbut ōnnu.
5 Asalamat nyawaku, sapantun aꞌa asso heꞌ kinakan ahāp lanabna,
angkan aku angalang pamudji kaꞌa luwas min kꞌllongku.
6 Taentomku kaꞌa hinabuku palege ma pabahakanku,
ati kaꞌa ya paghonaꞌ-honaꞌku kahabaꞌ-kahabaꞌ sangom.
7 Kaꞌa ya anabangan aku, angkan aku tabowa angalang
hinabuku pasindung ma pikpiknu, saliꞌ manuk-manuk.
8 Pabalut pangatayanku ma kaꞌa,
pinatotog aku heꞌ tangannu sakap kowan.
9 Bang paꞌin palurus ni kalaloman ahirat
saga aꞌa ya magisun amapatay aku.
10 Bang paꞌin sigām tinugutan binonoꞌ patay kalis
boꞌ pinagkakan heꞌ saga eroꞌ paslangan.
11 Pagubus, magkalasigan sultan ma Tuhan.
Sinanglitan isab Tuhan eꞌ sasuku anganjanjiꞌ ma ōnna.
Malaingkan pinakittup bowaꞌ saga aꞌa magputing.