32
Kalangan 32
Kalangan si Daꞌud
1 Aheya kahāpan ma sasuku niampun kalaꞌatanna,
sasuku pinapasan paldusahanna.
2 Aheya kahāpan ma sasuku abontol ma bistahan PANGHŪꞌ,
sasuku halam aniyaꞌ kaputingan ma pangatayanna.
3 Satꞌggol limbunganku dusaku, anitis na paꞌin bokogku
ma sabab pangandahingku kahabaꞌ llaw.
4 Kabuhatan aku llaw-sangom,
saliꞌ kahantang tangannu ya makabuhat.
Angalongkoy kuwat-anggautaꞌku,
buwat aꞌa apanggang ma musim pangꞌllaw.
5 Malaingkan bay tapamattanku dusaku ni kaꞌa,
halam bay limbunganku kalaꞌatanku.
Yukku, “Gom aku magpasabꞌnnal ni PANGHŪꞌ,”
magtūy taꞌampunnu kasāꞌanku kamemon.
6 Angkan sasuku magtataꞌat subay angamuꞌ-ngamuꞌ ni kaꞌa
ma waktu kahanggawna.
Bang pasōng kasusahanna sapantun latap alalom,
mbal iya alimun heꞌ susa.
7 O Tuhan, kaꞌa ya patapukanku,
kaꞌa ya angahampanan aku min kajahatan.
Alibut aku eꞌ saga aꞌa magkalangan aku
ma sabab kalappasnu ma aku.
8 Yuk Tuhan ni aku, “Panduꞌanta ka lān ya wajib palabayannu.
Hūganta ka garaꞌ ati peyananku ka.
9 Daꞌa ka pasaliꞌ ni kajarihan kuraꞌ,
ya halam aniyaꞌ akkalna.
Mbal tasohoꞌ hayop inān, mbal tapasekot ni kaꞌa,
luwal bang sangonannu kakkang maka engkot.”
10 Aheya karukkaꞌan saga aꞌa ya alaꞌat kajarihanna,
saguwāꞌ sasuku angandol ma si Yawe,
apꞌnnoꞌ iya eꞌ kasi-lasa PANGHŪꞌ.
11 Kalasiginbi si Yawe. Pakoyag kam sasuku ahāp kajarihanbi.
Magkalang kam sasuku abontol itikadbi.