13
Kalangan 13
Kalangan si Daꞌud
1 O Yawe, sumiyan aku patandung pabalik ni ataynu?
Sumiyan ka pabaihuꞌ ni aku pabīng?
2 Sumiyan bahāꞌ pahondong kalengog pikilanku itu,
sabab llaw-sangom pasangdan na paꞌin kasusahanku.
Sumiyan pahali saga bantaku angandaꞌug min aku?
3 O Yawe, Tuhanku, palingiꞌ giꞌ ka anambungan aku.
Pasawahun pangꞌndaꞌku, daꞌa aku pasagarin amatay.
4 Sabab bang aku mbal dūlannu,
tantu aku niudjuꞌ eꞌ kuntaraku, yuk-i,
“Nē! Taraꞌug na ka!”
Ati magkalasigan saga banta ma sabab kaiyaꞌanku.
5 Saguwāꞌ angandol sadja aku ma kasi-lasanu tuman,
maka magkōg-koyag ma sabab kapanglappasnu.
6 O PANGHŪꞌ, magkalang aku ni kaꞌa,
sabab kahāpnu ma aku mbal tapulaꞌ-pulaꞌ.