Nam Tanal ma Tasambayanare
Kisike kolnye
1. Tsambayan ti ity Amatke
2. Tou ity wait Tohtohakke
TSAMBAYAN TI ITY AMATKE KOLNYE
Oo, ara Amamy a mamin ti wen a sra eras so,
aramy miten ma aramy mumu ti lasmyerke khaha ne myalan a O, kali Animkwe nelnyely.
Ode aramy miten ma mmwa kola Rajake ne ma mhwareta aramy mumu,
ma nam sai mtwanuk, desikeo iry mamin ti lasmyerke khaha neke rtoha,
kola dene irire ratomolu O ti wen sra eras mumin tike.
Ode aramy miten toha O ma senweke,
mal kotw o abw ma kyoat mamak ma aramy.
Ode mswos ara salamire ba,
kola dene, aramy misos iry maka salat ma aramy ne dakun.
Ode kete mlwura aramy
ma nam dum a khyury aramy ma
kyor aramy ei atyatke,
de aramy miten toha O ma,
maditi aramy toha ktela atyat desikre mumu.
Kali Oi ne lan a O,
ode mkwumak haretke,
ode wasimw madelahke
kyal nini nam ti kiba knaru ne.
Amin.