Yudas
wasi atyahy ikeskye
Tun a khatu nekre klyosu kitab ne kralake
Atyahy neke Yudas i ne ikesy ne. Yudas neke, Yakobus wai amurkye (Yud. 1), ode Yudas neke anakyai ity Ebut Yesuske wai amury a i dakun (Mat. 13:55). Ode ti Yudas wasi atyahy ikesy ne, yal ma syurat iry matohakare ma musti mo rajaga mamak sir toha tuanggurw mama ma maajar nam lema mlaire, ode rajaga mamak sir dakun toha iry a maala ktela atyat nekre. Yudas neke yalkyaw iry matohakare wait tohtohakke ma tetap ma rtoha nam a mlay irire raajar ti sir nekre, ode tetap ma rtohak ti ity Ebut Yesus Kristuske myesan bo. Ode atyahy a Yudas ikesy ne kisike nenma mais kola Petrus wasi atyahy a kla-ru a ikeskye.
Kitab ne kisike kolnye
1. Yudas wasi tun mamuna ti atyahy ikeskye (1-2).
2. Snuratke ma tajaga mamak ity ti tuanggurw maajar nam a lema mlaire (3-16).
3. Snuratke ma talkyaw ity wait tohtohakke bain-bain ti ity Ebut Yesus Kristuske (17-23).
4. Yudas kyus wasi atyahkye (24-25).