Paulus wasi atyahkye ti
Titus
Tun a khatu nekre klyosu kitab ne kralake
Kitab ne kani Titus, neke Paulus wasi atyahy a ikesy ti Tituske ti kyoat Titus imin o nuske khatu Kretake. Titus neke lema iry Yahudi i, keskye tyohak Yesuske. I neke Paulus lian itohakke, ma syaluk Paulus ti wasi karya ikarya ti Yesus Kristuske ne. Ode Paulus iten Titus ma imin ti nuske khatu Kretake, ma tyenuk a ktelanare ti iry matohakare o so.
Paulus kyesy atyahy ne kali byuma Titus nyenas a Paulus wasi tnyetak ibu ma railik irire ma raka kerkerat ne. Ode Paulus syurat Titus ti kolkyabei ma, musti mo syaluk ode yajar a ktela mlay manosy ity Ebutke, ti ribun matohak mamin ti nuske khatu Kretake, ma wait tohtohakke ktyabal ma malkyakaw bain-bain ti Yesus Kristuske, ma ktyoha nam ity Ebutke ibuke. Ode Paulus iten Titus ma tyerik iry a maajar ktela lema mlay nekre, ti rasorw a ity Ebutke nam iajarare ne. Ode Paulus iten huruk ma Titus yobak a ksala ma byai nus lan Nikopoliske ti ranal o so.
Kitab ne kisike kolnye
1. Paulus wasi tun mamunake ti atyahy ikeskye (Tit. 1:1-4).
2. Titus wasi karyake ti nuske khatu Kretake (Tit. 1:5-16).
3. Snuratke ti iry matohakare wait mormyorifare (Tit. 2:1-10).
4. Hulasokwe syusu rala eraske ti irire mumu de (Tit. 2:11-15).
5. Snuratke ti iry matohakare ma rala ktela erasare (Tit. 3:1-11).
6. Paulus kyus wasi atyahkye (Tit. 3:12-15).