Paulus wasi atyahy kla-ru ikesy ti
Timotius
Tun a khatu nekre klyosu kitab ne kralake
Kitab 2 Timotius neke, Paulus wasi atyahy a ikesy kla-ruake ti Timotius huruk ti kyoat Timotius imin o nus a Efesuske, klala Paulus imin ti sey metmetke kralake ti nus lan Romake. Paulus ryekan o Timotius neke kele anan idur hahakke i ne bo. Kali i neke Paulus lianke, ma kyalamo syaluk Paulus ti karya iabrita Brit Eraske ne.
Paulus kyesy atyahy ne ma syurat Timotius ma musti mo kyarya wasi karya ity Ebutke inal ti i ne, ode ijaga Brit Eras desy, ma kete iry salik rma ma rajar nam lema mlaire. Ode musti mo yabrita nam a ity Ebutke iajarare ti wai o hatnima matohakare, ode ti iry salikare dakun. Ode Paulus syurat Timotius ma musti mo ineti ralake ma ikita ti kolnye masunkwe ode atyatke kidan i ti wasi karyake ne bo.
Kitab ne kisike kolnye
1. Paulus wasi tun mamuna ti atyahy ikeskye (2Tim. 1:1-2).
2. Paulus syalak eraske ba ti Hulasokwe ode syurat Timotius (2Tim. 1:3-18).
3. Iry mabuma matohak Yesus Kristuske musti mo masunkwe kdyan i (2Tim. 2:1-13).
4. Hulasokwe wasi makarya eraske (2Tim. 2:14-26).
5. Sekwe ana kyala ma kyait teike, desikeo masunkwe kdyan irire o lan a ksyalik (2Tim. 3:1-9).
6. Paulus syurat Timotius ti wasi tohtohakke (2Tim. 3:10-17).
7. Paulus syurat Timotius ma kyarya bain-bain ti Hulasokwe (2Tim. 4:1-8).
8. Paulus wasi snurat manosy lyakwe (2Tim. 4:9-18).
9. Paulus kyus wasi atyahkye (2Tim. 4:19-22).