Bʋllɛ nyúú mí wɩ́náálɛ: Nyɩ́sɛ arɩ́ lukre
2
1 Ŋ báá múúló ná nyɩ́sɛ baná. 2 Ɛ́ nɛ́ ŋ bɔsɛ málka ná háá bʋ́lɩ́ŋ rɩ́: «Nyɩ́sɛ nyáŋ mʋ́l nɛ́ beé>>» Ɛ́ nɛ́ ʋ bʋ́lɩ́ŋ rɩ́ a bʋlɛ́: «Duowa ná há kéŋ dóé a ŋmɔ́wɛ Ziida rɩ́ Ɩzrayɛl arɩ́ Zerizalɛmɛ nɩɛ pɩsɛ nɛ́ ɛ́.»3 Ká Nyuutɩna Wɩɩsɛ a ŋ ná lukre baná. 4 Ɛ́ nɛ́ ŋ bɔsɛ: «Ɓa kúó rɩ́wɔ́ a beé rí>>» Ʋ sɛ́: «Nyɩ́sɛ ná ká duowa ná há kúé ŋmɔwɛ Ziida nɩɛ pɩsɛ, oro wuu má tɩɩ báá wʋ́ʋ́ nyúú wuo kaá ɓɔ́ nɛ́. Duowa ná há kéŋwó nyɩsɛ ɓɔ́ caasɛ Ziida tɔ́ɔ́ rɩ́wɔ́ a rʋ́ʋ́ nɩɛ pɩsɛ; lukre nyáŋ sɩ́ɛ́ kúó rɩ́wɔ́ wálmɩ́wɔ́ nɛ́, a ŋmásɩ́wɔ́ nyɩ́sɛ a zɔkɛ.»
Botoro nyúú mí wɩ́náálɛ: Ŋmɛ́máŋsɛ
5 Ŋ baa muuli ná bál, rʋʋ kéŋ ŋmɛ́máŋsɛ ʋ nɛ́sɛ mɛ́. 6 Ŋ bɔ́sʋ́: «Ɩɩ́ mʋ́ nɛɛ́>>» Rʋʋ sɛ́: «Ŋŋ́ já rɩ́ŋ máŋsɛ Zerizalɛmɛ tɔ́ɔ́ nɛ́, a nóú jɛ́l rɩ́rʋ́ gbési mʋɔsɔ.»
7 Ɛ́ nɛ́ málka ná fa háá bʋ́lɩ́ŋ rɩ́ tuu ko, ká malka nɔ́ŋɔ lɩɩ aá cémú. 8 Ɛ́ nɛ́ ʋ bʋ́lʋ́ ná háá cémú rɩ́ bʋlɛ́: «Fá mʋ́ bʋl bápʋɔsɩ́wie né há kéŋ ŋmɛ́ŋ rɩ́ a bʋlɛ́: “Ʋ wɩ mɔhɛ̃́ rɩ́wɔ́ sɔ́ zenaa kíl Zerizalɛmɛ, bee wɩ́ɛ́ nɩbííne rɩ́ pʋsɛ ná há sɩ́ mɩŋ ráŋ sɩ́ a ɓɩkáná kɩ́ŋkáŋ. 9 Nyuutɩna Wɩɩsɛ nɛ́ bʋ́lɛ́: «Ŋ tɩɩ nɛ́ sɩ́ nɛ́ níŋzenaa, a kílú wuu; ŋ sɩ́ ɔ́ʋ́ píŋ má.”»
Nyuutɩna Wɩɩsɛ bɩ́rɔ́ yɩ́rɛ nɩfaálɛ
10 Nyuutɩna Wɩɩsɛ sɛ́: «Héí! Ɩ́ é nɩɛ ná ŋ há kíré ɩ́ pɩsɛ zʋ dúníé kíŋkere ná baná, ɩ́ sɩ́sɛ́nyɛ fa lɛ wɩɩsɛ dɩpomí néduu tɔ́ɔ́ ná mɛ́. Nyuutɩna Wɩɩsɛ nɛ́ sɛ́. 11 Héí! Zerizalɛmɛ nɩɛ, ɩ́ nɩɛ ná há ké Babɩɩlɔɔnɛ mɛ́, ɩ́ fa lɛ kɩ́kɛ́lɛ́.»
12 Nyuutɩna Wɩɩsɛ, Wɩɩsɛ ná há ká dóé wuu tɩ́na nɛ́ tʋ́mɩ́ŋ arɩ́ tíŋ, duowa ná há yóé dííwa, ká pɛ́ɩ́wa ɓɩɛ wuu, ɓa rɩ́, rɩ́ŋ bʋl pɔ́wɔ́ bʋlʋ́ sɛ́:
«Rɩ nɛ́ŋ tɩ́kɩ́wa mɛ́,
ʋ dé nɛ́ tɩ́na há tʋ́ŋ sɩ́ɩ́ mɛ́ nɛ́.
13 Táŋa, ŋ sɩ́ cɩ duowa ná mɛ́,
rɩ́wɔ́ yósi yoo díwó ká pɔ́wɔ́ ɓɩɛ.»
Ɛ́ mɛ́ nɛ́ sɩ́ɛ́ rɩ́ɩ́wa zɩŋ rɩ́ Nyuutɩna Wɩɩsɛ, Wɩɩsɛ ná há ká dóé wuu tɩ́na nɛ́ tʋ́mɩ́ŋ.
14 Nyuutɩna Wɩɩsɛ báá sɛ́:
«Zerizalɛmɛ nɩɛ,
ɩ́ cáási satɔ́ɔ́rɩ́cááse, ɩ́ jʋ́jʋɔsɛ,
bee wɩ́ɛ́ ŋ sɩ́ ko mɩ́nɩ́wa sɩ́sɩ́ɛ́nʋ́wa.
15 Ɛ́ tɛ́ŋ mɛ́, duowa ɓɩkana
sɩ́ káŋwɔ́ tɩɩ ko cɔ́ŋ é Nyuutɩna Wɩɩsɛ mɛ́,
a bɩ́rmɩ́ŋ dunɩɛ.
Arɩ́ ɛ́ wuu, ŋ sɩ́ mɩ́nɩ́wa sɩ́sɩ́ɛ́nʋ́wa.»
Ɛ́ mɛ́ nɛ́, rɩ́ɩ́wa zɩŋ rɩ́ Nyuutɩna Wɩɩsɛ, Wɩɩsɛ ná há ká dóé wuu tɩ́na nɛ́ tʋ́mɩ́ŋ ɩ́ rɩ́.
16 Nyuutɩna Wɩɩsɛ sɩ́ tɩ́llɛ Ziida
rʋ́ʋ́ ɔ́ʋ́ ker, tíé ná há wɩ busunnu kené mí,
ká rɩ́ Zerizalɛmɛ nɛ́ baa ɔ́ʋ́ tɔ́lɩ́sɛ.
17 Rɩ́ nɛrɔ wuu tɔ́ʋ́ nʋɔ mɛ́
Nyuutɩna Wɩɩsɛ sɩ́ɛ́,
bee wɩ́ɛ́ naasɩ́ balá,
ʋ sɩ́ ísú dɩmɩnɩ́ ná há kɔ́ʋ́ dʋŋɔ tɩ́llɛ́, a ko lɛ!