Siyaad al-maal
5
Intu siyaad al-maal,
asmaʼo sameh !
Abku wa arjufu min al-azaab al-gaaʼid yarjaaku.
2 Maalku da yatlaf wa khulgaanku arda taakulhum.
3 Dahabku wa fudditku turaab yaakulhum.
Wa maalku yachhad foogku wa yaakul jilidku misil al-naar.
Intu laayamtu maal katiir laakin al-dunya gariib tikammil.
4 Wa intu ma kaffeetu ujrat al-khaddaamiin al-khadamo fi ziraaʼitku.
Asmaʼoohum gaaʼidiin yachku minku wa naas al-gataʼo ziraaʼitku gaaʼidiin yasarkho wa Allah al-Gaadir simiʼ sarikhiinhum.
5 Fi l-dunya ichtu fi l-hala wa fi l-raaha.
Intu simintu misil al-bagar al-yisammunuuhum le yadbahoohum.
6 Intu bas hakamtu wa kataltu abid Allah al-saalih.
Hu ma waagif didduku walla ?
Al-sabur wa jayyit al-Rabb
7 Ya akhwaani,
asburu lahaddi Rabbina Isa yaji.
Fakkuru fi l-harraatiin.
Humman yarjo al-khariif le yiteerubu al-khalla al-muhimma fi hayaathum.
Min teerabooha,
yarjo almi yusubb le l-khalla tugumm wa yasburu lahaddi tanjad.
8 Intu kula asburu wa agoodu saabtiin achaan jayyit Rabbina garrabat.
9 Ya akhwaani,
ma tilhaarajo ambeenaatku achaan Allah ma yihaasibku.
Asmaʼo kalaami.
Al-yihaasibna da jaahiz.
10 Ya akhwaani,
chiilu masal hana l-anbiya al-kallamo be usum Allah.
Fakkuru fi taʼabhum wa saburhum.
11 Humman sabaro fi l-taʼab wa aniina nuguulu humman naas mubaarakiin.
Intu simiʼtu be sabur Ayuub wa taʼarfu al-baraka al-Allah antaaha leyah fi l-akhiir achaan Allah rahiim wa mahannatah kabiire bilheen.
12 Ya akhwaani,
gubbaal kulla cheyy,
ma tahlufu wa la be l-sama wa la be l-ard wa la be ayyi cheyy.
Laakin kan tidooru tuguulu «
aywa »,
guulu «
aywa »
bas.
Wa kan tidooru tuguulu «
la »,
guulu «
la »
bas achaan al-azaab ma yaji foogku.
Al-duʼa wa l-chifa
13 Kan naadum waahid minku taʼbaan,
khalli yasʼal Allah.
Wa kan naadum farhaan,
khalli yachkur Allah be khine.
14 Wa kan naadum minku mardaan,
khalli yinaadi chuyuukh hana jamaaʼat al-muʼminiin yaju yamsaho raasah be dihin be usum al-Rabb wa yasʼalo leyah Allah.
15 Wa l-suʼaal al-gaddamooh be l-iimaan yinajji al-mardaan.
Wa Rabbina yachfiih wa kan indah zunuub kula,
hu yakhfir leyah.
16 Fi chaan da,
iʼtarufu be zunuubku ambeenaatku wa asʼalo Allah ambeenaatku achaan yachfiiku.
Duʼa hana naadum saalih indah gudra chadiide.
17 Fakkuru fi Iliyaas.
Hu insaani misilna bas.
Wa hu saʼal Allah be chidde achaan al-matara ma tusubb.
Wa almi ma sabba lahaddi talaata sana wa nuss.
18 Wa baʼad da,
hu saʼal Allah achaan almi yusubb.
Wa khalaas,
min al-sama almi sabba wa min al-ard al-maʼiicha gammat.