Al-Jawaab le l-Ibraaniyiin
1
Fi l-zaman al-faat,
Allah kallam le juduudna be waasitat al-anbiya iddat marraat wa be turug chig chig.
2 Wa hassaʼ fi l-zaman al-akhiir,
Allah kallam leena be waasitat Ibnah al-hu jaʼalah wariis hana kulla cheyy.
Wa beyah hu bas,
Allah khalag al-dunya.
3 Wa Ibn Allah hu nuur Allah al-majiid wa suurat tabiiʼtah wa hu yahfad kulla cheyy be gudrat kalaamah.
Wa wakit hu tahhar al-naas min zunuubhum khalaas,
hu talaʼ fi l-bakaan al-aali wa gaʼad jamb Allah al-Aziim fi nussah al-zeenaay.
4 Wa Allah antaah daraja kabiire bilheen min al-malaaʼika misil al-usum al-Allah antaah leyah afdal ziyaada min asaameehum.
Ibn Allah akbar min al-malaaʼika
5 Abadan ma fi malak al-Allah gaal leyah <Inta ibni wa l-yoom ana bigiit abuuk>
walla battaan gaal <Ana nabga abuuh wa hu yabga ibni>.
6 Wa laakin wakit Allah jaab Ibnah al-bikir fi l-dunya,
hu gaal <Khalli kulla malaaʼikat Allah yasjudu leyah>.
7 Wa l-kalaam al-maktuub al-bukhuss al-malaaʼika buguul <Hu jaʼal malaaʼikatah misil al-riih wa khaddaamiinah dool misil lisaan al-naar>.
8 Wa laakin fi Ibnah buguul <Ya Allah,
archak yagood ila l-abad wa tamluk fi mamlakatak be adaala kaamile.
9 Inta tihibb al-adil wa takrah al-zulum.
Achaan da,
Allah Rabbak antaak daraja wa mala galbak be l-farah wa khattaak fi bakaan aali foog min rufgaanak>.
10 Wa battaan buguul <Ya Rabb,
fi l-bidaaya inta faracht al-ard wa inta bas khalagt al-samaawaat.
11 Humman yabgo ma fiihum laakin inta tagood daayman.
Misil al-kiswe tagdam,
humman kula yagdamo.
12 Wa misil naadum yatwi furaachah,
inta kula tatwiihum wa tibaddilhum misil lubaas.
Laakin inta abadan ma tikhayyir wa waktak abadan ma yikammil>.