Jawaab Yahuuza
Mugaddima
Al‑hamdulillah, Allah rassal al‑Masiih achaan yinajji al‑naas min al‑zunuub.
Yahuuza katab al‑jawaab da le kulla l‑Masiihiyiin. Wa naas waahidiin buguulu Yahuuza da wald ammah le Isa al‑Masiih. Wa be kitaabah da, Yahuuza yidoor yijaahid didd al‑taʼliim al‑baatil hana naas al‑yihajju be kidib.
Wa Yahuuza anta masal hana l‑naas al‑muznibiin hana zamaan misil sukkaan hana Saduum wa Amuura wa wileed hana abuuna Adum al‑hu Gaabiil wa nabi waahid al‑binaaduuh Balʼaam wa Khuurah al‑gamma didd Muusa. Wa taariikhhum talgooh fi l‑Ahad al‑Gadiim.
Wa Yahuuza wassaf be chidde kikkeef Allah yiʼaakhib al‑naas al‑abo bichaartah hana l‑mahabba. Wa be da kula, Yahuuza gaal khalli yihinnu fooghum wa yisaaʼuduuhum achaan yanjo min khadab Allah. Wa kan fi l‑jawaab da Yahuuza hajja kalaam gawi, da le yamnaʼ al‑charr wa l‑fasaala wa yinajji al‑naas min al‑damaar.