Kitaab Naahuum
min Kutub al‑Anbiya
Mugaddima
Wa kitaab Naahuum yihajji be balad Achuur wa madiinat Niinawa al‑hi aasimat mamlakathum. Wa l‑nabi Naahuum atnabbaʼ be damaar al‑madiina di. Wa fi taariikh al‑umam, askar Baabil jo wa chaalo madiinat Niinawa wa dammarooha wa da l‑damaar al‑Naahuum ballakh beyah gabul ma yilhaggag.
Wa naas balad Achuur, humman al‑naas al‑hakamo al‑umam be istikbaar wa unuf wa zulum wa l‑naas tiʼibo tihit hukumhum. Wa askar Achuur dammaro mamlakat Israaʼiil kula. Wa be sabab da, Allah aakhabaahum. Wa wakit naas al‑umam simʼo kadar madiinat Niinawa addammarat, humman firho be moot udwaanhum. Wa l‑kitaab da yiʼallimna kadar ayyi zaalim indah nihaaya.