Al‑Kitaab al‑Mukhaddas
Mugaddima
Be usum Allah al‑Rahmaan al‑Rahiim (Khuruuj fasul 34 aaya 6).
La ilaah illa Allah (2 Samuwiil fasul 22 aaya 32) wa leyah hu al‑hamd wa l‑chukur wa minnah hu nalgo al‑niʼma wa l‑rahma.
Al‑kitaab al‑fi iideenak da,
hu al‑Kitaab al‑Mukhaddas wa da kalaam Allah.
Wa l‑kalaam da,
wa la khayyarooh wa la baddalooh wa la nagasooh wa la zaadooh.
Hu nafs al‑kalaam al‑maktuub fi l‑kitaab al‑Allah nazzalah leena.
Wa da be waasitat al‑Ruuh al‑Khudduus al‑nazzalah fi l‑anbiya wa l‑rusul achaan yaktubu kalaamah be iznah wa be gudurtah.
Wa l‑kitaab al‑fi iideenak da mutarjam be kalaam arab daariji hana Tchad achaan al‑naas yagruuh wa yafhamooh.
Wa l‑kitaab da tarjamooh min al‑lukhkhaat al‑asliyiin be fikir adiil wa be nizaam achaan al‑kalaam al‑fi lubbah yabga amiin wa saadikh wa muwaafig le l‑asli.
Wa l‑Kitaab al‑Mukhaddas da mukawwan min kutub itneen kubaar.
Wa l‑kitaab al‑awwal,
hu al‑Ahad al‑Gadiim wa mukawwan min Tawraat Muusa wa Zabuur Dawuud wa kutub al‑anbiya wa be l‑jumla,
indah 39 kitaab.
Wa l‑Ahad al‑Gadiim da yihajji be taariikh Bani Israaʼiil wa l‑muʼaahada al‑Allah sawwaaha maʼaahum.
Wa l‑kitaab al‑taani,
hu al‑Ahad al‑Jadiid wa hu Injiil al‑Masiih.
Wa be l‑jumla,
al‑Ahad al‑Jadiid indah 27 kitaab wa yihajji be Isa al‑Masiih (salaamahu aleyna) wa talaamiizah wa rusulah.
Ayyi kitaab min kutub al‑Kitaab al‑Mukhaddas indah mugaddima fi bidaaytah wa da yiʼallimak kulla cheyy al‑fi l‑kitaab da.
Wa fi aakhir al‑Kitaab al‑Mukhaddas,
talga al‑mutammim al‑indah jadwal taariikh Bani Israaʼiil wa tafsiir al‑kalimaat al‑gaasiyiin wa l‑kharaayit.
Wa fahras kulla l‑kutub hana l‑Kitaab al‑Mukhaddas,
talgaah fi aakhir al‑kitaab.
Wa inta al‑tagri al‑kitaab da,
khalli Allah yantiik minnah faayde al‑tanfaʼak fi iimaanak wa hayaatak.
Wa l‑kitaab da,
agriih be niiye waahide wa beyah,
Allah yuguudak fi tariig al‑najaah wa l‑naja wa l‑salaam.
Aamiin.