كتاب حَقَّاي
من كتب الأنبياء
مقدمة
في وكت حُكُم دَارِيُوس ملك فَارِس، النبي حَقَّاي حجّى بكلام اللّه لسُكّان مدينة القدس و لزَرُبَابِل حاكِمهم و ليَشُوع كبير رجال الدين. و دا بعد زَرُبَابِل و واحِدين من بني إسرائيل قبّلوا من بَابِل بلد الغُرْبة و جوا في بلدهم.
و في مدينة القدس، همن قمّوا يبْنوا بيت اللّه بتان و لاكن ما قِدْروا كمّلوه. و في الوكت دا، حَقَّاي كلّم ليهم و قال واجِب يكمُّلوا بُنى البيت دا. هو قال كدر كل التعب الجاء ليهم دا جاء بسبب ما كمّلوا بُنى البيت.
و خلاص في الأخير، الشعب فِهْموا كلام حَقَّاي و قمّوا كمّلوا بُنى بيت اللّه. همن شافوا كدر البيت البنوه دا ما جميل مِثِل أوّل و لاكن اللّه وعد يجمِّله و دا، يمْلاه بمجْده. و بتان الشعب قاعدين يرْجوا النادم العزله اللّه مِثِل هو وعد بيه.