الشُكُر للّه المُنجّي
١٢
١ وَ فِي الْيَوْم دَا،
إِنْتَ تُقُولْ:
«أَنَا نَشْكُرَكْ،
يَا اللّٰهْ!
أَشَانْ إِنْتَ زِعِلْت ضِدِّي
وَ لَاكِنْ غَضَبَكْ إِنْتَ خَلَّيْتَهْ
وَ إِنْتَ صَبَّرْتِنِي.
٢ دَاهُو الْإِلٰـهْ الْمُنَجِّي!
أَنَا أَتْوَكَّلْت عَلَيَّهْ
وَ بَتَّانْ مَا نَخَافْ.
أَشَانْ قُدُرْتِي وَ قُوِّتِي،
هُو اللّٰهْ
وَ هُو بَسْ النَّجَّانِي.»
٣ وَ تِشِيلُوا أَلْمِي بِفَرَحْ
مِنْ عَيْن أَلْمِي هَنَا النَّجَاةْ.
٤ وَ فِي الْيَوْم دَا،
إِنْتُو تُقُولُوا:
«أَشْكُرُوا اللّٰهْ وَ نَادُوا أُسْمَهْ!
عَرُّفُوا عَمَلَهْ لِلشُّعُوبْ
وَ أَذَّكَّرَوْا كَدَرْ أُسْمَهْ الْعَالِي.
٥ غَنُّوا لِلّٰهْ
أَشَانْ هُو سَوَّى أَشْيَاءْ عَظِيمِينْ
وَ عَرُّفُوا بَيْهُمْ كُلَّ الْأَرْض.
٦ عِيطُوا بِفَرَحْ وَ زَغْرُطُوا،
يَا سُكَّانْ صَهْيُون!
أَشَانْ قُدُّوسْ إِسْرَائِيلْ
الْقَاعِدْ فِي أُسُطْكُو،
هُو عَظِيمْ.»